இதுவரை இல்லாத அளவுக்கு.....அதிகமான திரையரங்குகளில் நாளை வெளியாகிறது சிவகார்த்திகேயனின் அமரன்!

இதுவரை இல்லாத அளவுக்கு நடிகர் சிவகார்த்திகேயனின் அமரன் திரைப்படம், அதிகமான திரையரங்குகளில் வெளியாக உள்ளது.

இயக்குனர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள 'அமரன்'. திரைப்படத்திற்கு, ராஜ்கமல் பிலிம்ஸ் இண்டர்நேஷனல் நிறுவனம் தயாரித்துள்ளது. மேலும் இந்த படத்துக்கு ஜி.வி.பிரகாஷ் குமார் இசையமைத்துள்ளார்.

இந்த படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். சிவகார்த்திகேயன் இந்த படத்தில் 'முகுந்தன்' என்ற கதாபாத்திரத்தில் ராணுவ வீரராக நடித்துள்ளார். இந்த படத்தின் பெரும்பாலான காட்சிகள் காஷ்மீரில் படமாக்கப்பட்டுள்ளன. இந்த படத்தில் புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோர் நடித்துள்ளனர்.

இத்திரைப்படம் தீபாவளி பண்டிகையை முன்னிட்டு நாளை திரையரங்குகளில் வெளியாக உள்ளது.

இந்த நிலையில், இந்த படம் உலகம் முழுவதும் கிட்டத்தட்ட 900-க்கும் அதிகமான திரையரங்குகளில் வெளியாவதாக படத்தின் இயக்குனர் ராஜ்குமார் பெரியசாமி தெரிவித்துள்ளார். மேலும், இதுவரை இல்லாத அளவுக்கு நடிகர் சிவகார்த்திகேயனின் அமரன் திரைப்படம் அதிகமான திரையரங்குகளில் வெளியாக உள்ளதாக தெரிவித்துள்ளார்.