இயக்குனர் அவதாரம் எடுத்த பிரபல நடிகர்.!
actor ravi mokan turn director
தென்னிந்திய திரையுலகில் முன்னணி நடிகராக வலம் வருபவர் ரவி மோகன். 'ஜெயம்' படத்தின் மூலம் திரையுலகிற்கு அறிமுகமான இவர் ஆரம்பத்தில் இருந்தே வித்தியாசமான கதைகளை தேர்ந்தெடுத்து நடித்து வருகிறார். சமீபத்தில் இவரது நடிப்பில் 'காதலிக்க நேரமில்லை, பிரதர்' உள்ளிட்ட படங்கள் வெளியாகின.
இதைத் தொடர்ந்து ரவி மோகன் 'கராத்தே பாபு, ஜீனி, பராசக்தி' உள்ளிட்ட படங்களை தன் கைவசம் வைத்துள்ளார். இதற்கிடையில், ரவிமோகன் புதிய படம் ஒன்றை இயக்க உள்ளதாக தகவல் வெளியாகி உள்ளது. இந்த படத்தில் நடிகர் யோகி பாபு கதாநாயகனாக நடிப்பார் என்று தெரிவிக்கப்படுகிறது.
இதற்கு முன்னதாக 'கோமாளி' படத்தில் ஜெயம் ரவி மற்றும் யோகி பாபு இருவரும் இணைந்து நடித்திருந்தார்கள். அந்த படம் நல்ல வரவேற்பை பெற்றது. இந்த நிலையில் ரவி மோகன் இயக்கம் புதிய படத்தின் படப்பிடிப்பு பணிகள் அடுத்த ஆண்டு ஜுன் மாதம் துவங்கும் என்று தெரிவிக்கப்படுகிறது.
விரைவில் இந்தப்படம் தொடர்பான அதிகாரபூர்வ அறிவிப்பு வெளியாகும் என்று எதிர்பார்க்கப்படுகிறது. நடிகராக வளம் வந்த ரவி மோகன் தற்போது இயக்குனர் அவதாரம் எடுத்திருப்பது ரசிகர்களிடையே எதிர்பார்ப்பை ஏற்படுத்தியுள்ளது.
English Summary
actor ravi mokan turn director