சிம்பு நடித்துள்ள மாநாடு திரைப்படத்தின் ஓடிடி ரிலீஸ் குறித்த தகவல் வெளியாகியுள்ளது.

சிம்பு மற்றும் கல்யாணி பிரியதர்ஷன் இணைந்து நடித்த மாநாடு திரைப்படம் மாபெரும் வெற்றி நடை போட்டு வருகிறது. இந்த திரைப்படத்தில் வில்லனாக எஸ்.ஜே.சூர்யா நடித்து இருப்பார்.‌ வெங்கட் பிரபு இயக்கிய இந்த திரைப்படத்திற்கு யுவன் சங்கர் ராஜா இசையமைத்துள்ளார்.

பிரேம்ஜி அமரன், கருணாகரன், சந்திரசேகர் மற்றும் எஸ் ஏ சந்திரசேகர், ஒய்ஜி மகேந்திரன், மனோஜ் பாரதிராஜா போன்ற முக்கிய நடிகர்கள் இந்த திரைப்படத்தில் நடித்திருப்பார்கள். இந்த திரைப்படம் வித்யாசமான கதையை கொண்டிருப்பதால் மிகவும் சுவாரசியமாக இருப்பதாக நெட்டிசன்கள் தெரிவித்து வந்தனர்.

மேலும் படம் வசூல் ரீதியாகவும் மிகப்பெரிய வெற்றி பெற்று வருகிறது. தமிழில் எந்த படம் ரிலீஸ் ஆனாலும் ஒரு தரப்பு எதிர்க்கும். ஆனால் மாநாடு படத்தில் அப்படி நெகடிவ் விமர்சனங்கள் எதுவுமே வரவில்லை. 

What does destiny hold for Abdul Khaaliq as he gets trapped in the time loop? Get ready to watch Maanaadu on repeat, streaming on Dec 24 on SonyLIV.#MaanaaduOnSonyLIV@sureshkamatchi @vp_offl @SilambarasanTR_ @kalyanipriyan@premgiamaren @thisisysr @iam_SJSuryah @RichardMNathan pic.twitter.com/q6OgPfqYTd

— SonyLIV (@SonyLIV) December 17, 2021

இந்த நிலையில் மாநாடு திரைப்படத்தின் ஓடிடி உரிமையை சோனி லைவ் நிறுவனம் வாங்கியுள்ளது. இந்த படம் வரும் டிசம்பர் 24 ஆம் தேதி இது வெளியாகவுள்ளது. இது ட்விட்டரில் அதிகாரப்பூர்வமாக அறிவிக்கப்பட்டுள்ளது.