நடிகர் விஜயின் முக்கிய படத்தில் கைக்கோர்க்கும் மன்சூர் அலிகான்.? இயக்குனரோட ஃபேவரைட் நடிகராமே.?!
Mansoor alikahan May Join with thalapathy 67
நடிகர் விஜய் நடித்துள்ள பீஸ்ட் திரைப்படம் கடந்த ஏப்ரல் 13 ஆம் தேதி வெளியாகியது. இதில் செல்வராகவன் உள்ளிட்ட பிரபலங்கள் நடித்துள்ளனர். இந்த திரைப்படத்தில் நடிகர் விஜய்க்கு ஜோடியாக பூஜா ஹெக்டே நடித்திருப்பார்.
இதனை தொடர்ந்து, அடுத்ததாக தெலுங்கு இயக்குனர் வம்சி இயக்கத்தில் விஜய் நேரடியாக தெலுங்கில் நடிக்க உள்ளார். தளபதி 66 என்று கூறப்படும் இந்த படத்தை தில் ராஜூ தயாரிக்கிறார். இதற்கு வாரிசு என பெயர் வைக்கப்பட்டுள்ளது.
இந்த படத்தில் நடிகர் விஜய்க்கு ஜோடியாக தெலுங்கு நடிகை ராஷ்மிகா மந்தனா நடிக்கவுள்ளார். தொடர்ந்து விஜய்யின் 67வது திரைப்படத்தை இயக்குனர் லோகேஷ் கனகராஜ் இயக்க உள்ளதாக தெரிவிக்கப்பட்டுள்ளது.
இந்த படத்தில் விஜய்க்கு ஜோடியாக நடிகை பிரியங்கா அருள்மோகன் நடிக்க இருப்பதாக கூறப்பட்டு வருகின்றது. இந்த நிலையில் நடிகர் மன்சூர் அலிகான் இந்த படத்தில் இணைய உள்ளதாகவும், விரைவில் இதுகுறித்து அதிகாரப்பூர்வ தகவல் வெளியாகும் என்றும் தகவல் வெளியாகி இருக்கின்றது. ஏற்கனவே பல பேட்டிகளில் லோகேஷ் கனகராஜ் மன்சூர் அலிகான் குறித்து சுவாரஸ்யமாக பேசுவார் என்பது குறிப்பிடத்தக்கது.
English Summary
Mansoor alikahan May Join with thalapathy 67