வெளியானது 'எஸ்கே 25' திரைப்படத்தின் பூஜை வீடியோ
sk 25 movie pooja vedio released
பிரபல நடிகர் சிவகார்த்திகேயன், 'அமரன்' படத்தை தொடர்ந்து, ஏ.ஆர். முருகதாஸ் இயக்கத்தில் தனது 23-வது திரைப்படத்தில் நடித்து முடித்துள்ளார். இதையடுத்து அவர் சிபி சக்கரவர்த்தியின் இயக்கத்தில் 24-வது படத்தில் நடிக்க உள்ளார். அதுமட்டுமல்லாமல், சிவகார்த்திகேயன் 'சூரரைப் போற்று' படத்தை இயக்கிய சுதா கொங்கரா இயக்கத்தில் 'புறநானூறு' (எஸ்கே 25) எனும் திரைப்படத்தில் நடிப்பதற்கு ஒப்பந்தமாகியுள்ளார்.
இந்தி திணிப்பு தொடர்பான கதைக்களத்தில் உருவாக இருக்கும் இந்த படத்தில் வில்லனாக ஜெயம் ரவி நடிக்க உள்ளார். மேலும் இப்படத்தில் நடிகை ஸ்ரீலீலா மற்றும் அதர்வா ஆகியோர் முக்கிய கதாபாத்திரங்களில் நடிக்கவுள்ளனர்.
டான் பிக்சர்ஸ் நிறுவனம் தயாரிக்கும் இந்தப் படத்திற்கு ஜிவி பிரகாஷ் இசையமைக்க உள்ளார். சுமார் ரூ.150 கோடி பட்ஜெட்டில் இப்படத்தை தயாரிக்க உள்ளதாக தகவல் வெளியாகி உள்ளது. கடந்த இரண்டு நாட்களுக்கு முன்பு, இப்படத்தின் பூஜை நடைபெற்றது.
அது தொடர்பான புகைப்படங்கள் வெளியாகி வைரலான நிலையில், தற்போது 'எஸ்கே 25' திரைப்படத்தின் பூஜை வீடியோவை படக்குழு வெளியிட்டுள்ளது. மற்ற அப்டேட்டுகளும் இனி வரும் களங்களில் வெளியாகும் என்று எதிர்பார்க்கப்படுகிறது.
English Summary
sk 25 movie pooja vedio released