தமிழ் சினிமாவில் 40 ஆண்டு காலமாக  சூப்பர் ஸ்டாராக வலம் வந்து கொண்டிருப்பவர் ரஜினிகாந்த். எப்போதுமே சுறுசுறுப்புக்கு பேர் போன இவர் தற்போது டபுள் சுறுசுறுப்பாக இயங்கிக் கொண்டிருக்கிறார். நெல்சன் திலிப் குமார் இயக்கத்தில் சன் பிக்சர்ஸ் தயாரிப்பில்  ஜெயிலர் திரைப்படத்தில் தற்போது நடித்து வரும் சூப்பர் ஸ்டார்  அதனைத் தொடர்ந்து ஐஸ்வர்யா ரஜினிகாந்த் இயக்கம் லால் சலாம் திரைப்படத்தில்  ஒரு முக்கிய கதாபாத்திரத்தில் நடிக்க இருக்கிறார்.

அதனைத் தொடர்ந்து தாசே ஞானவேல்  இயக்கத்தில் சூப்பர் ஸ்டார் நடிக்கயிருப்பது அதிகாரப்பூர்வமாக வெளியான நிலையில்  அந்தத் திரைப்படத்தில் சூப்பர் ஸ்டார் முஸ்லிமாக நடிக்க இருப்பதாக  அதிகாரப்பூர்வமான தகவல்கள் வந்து கொண்டு இருக்கின்றன. ரஜினிகாந்த் மாணிக்கமாக இருந்து அன்வர் பாட்ஷாவாக மாறிய  பாட்ஷா திரைப்படம் ரஜினியின் கேரியரிலேயே மிகப்பெரிய வெற்றி படமாக அமைந்தது.

தற்போது மீண்டும் அதே மாதிரி ஒரு கதாபாத்திரத்தை தாசே ஞானவேல் கூறியதும்  சூப்பர் ஸ்டார் உடனே ஒப்புக் கொண்டிருக்கிறார். மேலும் சமீபத்தில் ஹைதராபாத் சென்று அங்குள்ள மசூதி ஒன்றுக்கும் சென்று வந்தார் என்பது குறிப்பிடத்தக்கது. இந்தத் திரைப்படத்தின் மூலம் சூப்பர் ஸ்டார் ஒரே கல்லில் இரண்டு மாங்காய் அடிக்க திட்டம் போட்டிருப்பதாக  அவருக்கு நெருக்கமான வட்டாரங்கள் தெரிவிக்கின்றன..

பாட்ஷா படத்தில் நடித்ததால் ஏற்பட்ட  திருப்புமுனைப் போல் இந்த திரைப்படமும்  அவருக்கு மிகப்பெரிய மாற்றத்தை கொடுக்கும் என்ற ஒரு திட்டமும் ரஜினி அரசியலுக்கு வந்தால் பிஜேபிக்கு தான் செல்வார் என்று  பொதுவான கருத்து ஒன்று  நிலவி வருகிறது. இந்தத் திரைப்படத்தில் முஸ்லிமாக நடிப்பதன் மூலம் அந்த கருத்தை மாற்றவும்  திட்டமிட்டு களமிறங்குவதாகசூப்பர் ஸ்டாருக்கு நெருக்கமான வட்டாரங்கள் தெரிவிக்கின்றன.