வனிதாவை மிரட்டிய விசிகவினர்.. எவனுக்கும் பயப்பட மாட்டேன் கெத்து காட்டும் சர்ச்சை நடிகை.!
VCK supporters warning to Vanitha Vijayakumar
விஜய் டிவியில் ஒளிபரப்பப்படும் பிக் பாஸ் நிகழ்ச்சி கடந்த அக்டோபர் ஒன்பதாம் தேதி துவங்கியது. இந்த 6-வது சீசனையும் நடிகர் கமலஹாசன் தான் தொகுத்து வழங்கி வருகின்றார்.
21 போட்டியாளர்களுடன் தொடங்கிய பிக்பாஸ் சீசன் 6 நிகழ்ச்சியில் தற்போது 5 போட்டியாளர்கள் மட்டுமே ஃபைனலிஸ்ட்டுகளாக உள்ளனர். இந்த நிலையில் தற்போது பிக்பாஸ் வீட்டில் ஷிவின், விக்ரமன், நந்தினி, அசீம் மற்றும் அமுதவாணன் உள்ளனர்.
இதில், விசிக கட்சியை சேர்ந்த விக்ரமனுக்கு ஆதரவாக ஓட்டு கேட்டு விடுதலை சிறுத்தைகள் கட்சியின் தலைவரும், எம்.பியுமான திருமாவளவன் ட்விட்டரில் பதிவிட்டுள்ளார்.
அந்த பதிவில் ' தம்பி விக்ரமன் அவர்களை வெற்றிபெறச் செய்வோம். பிக்பாஸ் தேர்வுக்கான போட்டியில் @DisneyPlusID app மூலம் விக்ரமனுக்கு வாக்களிப்போம்' என பதிவிட்டிருந்தார். இதனையடுத்து பல்வேறு தரப்பினரும் கடும் விமர்சனங்களை தெரிவித்து வருகின்றனர்.
அந்த வகையில் பிரபல நடிகையும், முன்னாள் பிக்பாஸ் போட்டியாளருமான வனிதா விஜயகுமார் திருமாவளவனை விமர்சனம் செய்து ட்விட்டரில் பதிவிட்டிருந்தார்.
அந்த பதிவில் 'இதற்கு நீங்கள் என்ன சொல்கிறீர்கள்.. இது எல்லாம் ஒரு அரசியல் ஸ்டண்ட்.. ஒரு மரியாதைக்குரிய அரசியல் தலைவரும், பதவியில் இருக்கும் எம்.பி.யும், ரியாலிட்டி ஷோவில் போட்டியிடும் போட்டியாளருக்கு வாக்களிக்க தனது உறுப்பினர்களை எவ்வாறு செல்வாக்கு செலுத்த முடியும்' என பதிவிட்டிருந்தார்.
இந்த நிலையில் நடிகை வனிதா விஜயகுமாருக்கு மிரட்டல் விடுக்கப்பட்டுள்ளதாக ட்விட்டரில் தெரிவித்துள்ளார். அந்த வகையில் 'குறிப்பிட்ட கட்சியை சேர்ந்த சிலர் யூடியூப் சேனல்களை தொடர்பு கொண்டு தனக்கு மிரட்டும் வகையில் எச்சரிக்க முயல்கின்றனர். யாருக்கும் எதுக்கும் பயந்தவன் நான் இல்லை. உங்க அரசியல் புத்தி என்னன்னு காலம் காலமா பார்த்திருக்கோம். நேர்மையா மக்களுக்கு நல்லது பண்ணி முன்னேற பாருங்க உங்க அரசியல் எல்லாம் என்கிட்ட வச்சுக்காதீங்க' தெரிவித்துள்ளார்.
English Summary
VCK supporters warning to Vanitha Vijayakumar