'விஷால் - 34' திரைப்படத்தின் டைட்டில் அறிவிப்பு!
Vishal 34 movie update
இயக்குனர் கார்த்திக் சுப்புராஜ் ஸ்டோன் பெஞ்சர்ஸ் மற்றும் ஜி ஸ்டுடியோஸ் இணைந்து தயாரிக்கும் விஷால் 34 ஆவது திரைப்படத்தை ஹரி இயக்குவதாக சமீபத்தில் அறிவிப்பு வெளியாகியது.
இயக்குனர் ஹரியுடன் நடிகர் விஷால் தற்போது மூன்றாவது திரைப்படத்தில் இணைந்துள்ளார். இதற்கு முன்னதாக கடந்த 2007ஆம் ஆண்டு வெளியான 'தாமிரபரணி' திரைப்படம் மிகப்பெரிய வெற்றி படமாக அமைந்தது.
கடந்த 2014ஆம் ஆண்டு வெளியான 'பூஜை' திரைப்படம் ரசிகர்களிடையே கலவையான விமர்சனம் பெற்றது. இந்நிலையில் மூன்றாவது முறையாக ஹரி இயக்கத்தில் விஷால் நடிக்கும் திரைப்படத்தின் அப்டேட் தற்போது வெளியாகி உள்ளது.
அதாவது, இந்த திரைப்படத்திற்கு 'ரத்னம்' என பெயரிடப்பட்டுள்ளதாக தகவல் தெரிவிக்கப்பட்டுள்ளது. இந்த திரைப்படத்திற்கு தேவி ஸ்ரீ பிரசாத் இசையமைக்க உள்ளார்.