Kalki2898 AD படத்தின் ஓடிடி ரிலீஸ் எப்போது? இதோ வெளியான அப்டேட்!

இயக்குனர் நாக் அஸ்வின் இயக்கத்தில் பிரபாஸ் ஹீரோவாக நடித்த கல்கி 2898 திரைப்படத்தில், நடிகர்கள் அமிதாப் பச்சன், கமல்ஹாசன் மற்றும் நடிகைகள் தீபிகா படுகோன், திஷா பதானி, அன்னா பென் உட்பட பலர் நடித்துள்ளனர்.

மேலும் இந்த படத்திற்கு சந்தோஷ் நாராயணன் இசை அமைத்துள்ளார். வைஜெயந்தி மூவிஸ் தயாரித்துள்ள இந்தப் படம், கடந்த ஜூன் 27ம் தேதி திரையரங்குகளில் வெளியானது.

அறிவியல் – புராண கதை மிக்சிங்கில் உருவாகியுள்ள இத்திரைப்படம், கிராஃபிக்ஸ் மறு்றும் மேக்கிங் காட்சிகளில் ரசிகர்களிடையே வரவேற்பைப் பெற்று வருகிறது. இருந்த போதிலும் திரைக்கதை சோர்வைத் தருவதாக விமர்சனங்கள் எழுந்து வருகின்றன.

இந்த நிலையில், ரூ.600 கோடி பட்ஜெட்டில் உருவானதாக கூறப்படும் இந்த திரைப்படம், முதல் நாளில் உலக அளவில் ரூ.191 கோடியும், இரண்டாம் நாளில் மொத்தம் ரூ.295.5 கோடி வரை வசூலித்ததாக அறிவிக்கப்பட்டது. இந்த நிலையில், கல்கி 2898’ திரைப்படம் தமிழ், தெலுங்கு, மலையாளம், கன்னடம் ஆகிய 4 மொழிகளில் வரும் 22-ம் தேதி அமேசாம் பிரைம் ஓடிடியில் வெளியிடப்படும் என்று அறிவிக்கப்பட்டுள்ளது.