இன்றைய உலகில் மாரடைப்பு போன்ற இதய நோய்கள் இளையவர்களிடமும், வயதானவர்களிடமும் அதிகமாக ஏற்படுகிறது. முதலில் வயதானவர்களுக்கு மட்டுமே சம்மந்தப்பட்டதாக கருதப்பட்ட இந்த நோய் இப்போது இளம்பெண்கள், குழந்தைகள் வரை பரவி உள்ளது.

உலகளவில் இறப்புக்கான முக்கிய காரணங்களில் இதய நோய்கள் முதலிடத்தில் உள்ளன. இதற்கான முக்கிய காரணமாக ஆரோக்கியமற்ற வாழ்க்கை முறை குறிக்கப்படுகின்றது. குறிப்பாக, நாம் தினசரி உணவில் சேர்க்கும் சில உணவுகளே இதற்கு வழிவகுக்கும்.

இதயத்திற்கு ஆபத்தை உண்டாக்கும் முக்கியமான உணவுகள்:

1. அதிக உப்பு: உப்பை அதிகமாக உட்கொள்வது உயர் ரத்த அழுத்தத்துக்கு வழிவகுக்கும், இது மாரடைப்பு ஏற்படுத்தும் முக்கிய காரணிகளில் ஒன்று. பதப்படுத்தப்பட்ட உணவுகளில் அதிக உப்பு இருப்பதாலே இதய நோய்கள் அதிகரிக்கின்றன. உப்பு அளவைக் குறைத்து மூலிகைகள் மற்றும் மசாலா பொருட்களை மாற்றாகப் பயன்படுத்தலாம்.

2. அதிக புரத உணவுகள்: புரதம் அவசியமான ஒன்று என்றாலும், அதை அதிகமாக உட்கொள்ளும்போது, சிறுநீரக மற்றும் இதய பிரச்சனைகள் ஏற்படும் அபாயம் உள்ளது. எனவே, மிதமான அளவிலேயே இறைச்சி, மீன் போன்றவற்றை சாப்பிடுங்கள். தாவர அடிப்படையிலான புரதங்களை (பருப்பு, பீன்ஸ், டோஃபு போன்றவை) உபயோகிப்பது இதயத்திற்கு நன்மை தரும்.

3. சர்க்கரை: அதிக சர்க்கரை உட்கொள்வது உடல் எடையை அதிகரிக்கவும், டைப் 2 நீரிழிவு நோய் ஏற்படவும் வழிவகுக்கும். இதனால், இதய நோய் அபாயம் அதிகரிக்கிறது. இனிப்புகளை குறைத்து, நார்ச்சத்து நிறைந்த பழங்களை சாப்பிடுவது நல்லது.

4. நிறைவுற்ற கொழுப்புகள் மற்றும் டிரான்ஸ் கொழுப்புகள்: இவை கெட்ட கொழுப்புகளை அதிகரித்து, இதய நோய்களின் அபாயத்தை பெருக்குகின்றன. சிவப்பு இறைச்சி, முழு கொழுப்புள்ள பால் பொருட்களை தவிர்த்து, பாதாம், ஆலிவ் எண்ணெய் போன்ற ஆரோக்கியமான கொழுப்புகளை உள்ளிடும் உணவுகளை சாப்பிடுங்கள்.

5. காலை உணவைத் தவிர்ப்பது: அடிக்கடி காலை உணவை தவிர்ப்பது, இரத்த சர்க்கரை அளவை பாதித்து, இதய நோய்களை ஏற்படுத்தும் வாய்ப்பை அதிகரிக்கிறது. ஆரோக்கியமான காலை உணவை தவறாமல் சாப்பிடுவது அவசியம்.

இதயத்தை ஆரோக்கியமாக வைத்திருக்க, தினசரி உணவில் சரியான மாற்றங்களை செய்வது மிக முக்கியம்.