கர்நாடகா மாநிலத்தில் இரண்டு டிராக்டர்கள் மோதிய விபத்தில் மூன்று பேர் உயிரிழந்துள்ளனர்.

கர்நாடக மாநிலம் பாகல்கோட்டை மாவட்டத்தில் உள்ள நவலகி கிராமத்தை சேர்ந்தவர்கள் பெலகாவி மாவட்டத்தில் உள்ள சவதத்தி எல்லம்மா கோவில் திருவிழாவில் கலந்து கொள்வதற்காக டிராக்டர்களில் சென்றனர். பின்பு திருவிழா முடிந்ததும் டிராக்டரில் கிராமம் நோக்கி 20க்கும் மேற்பட்டோர் வந்து கொண்டிருந்தனர்.

அப்பொழுது நேற்று காலை முதோல் பகுதி அருகே வந்தபோது, டிராக்டர்கள் ஒன்றை ஒன்று முந்தி சொல்ல முயன்ற போது, இரண்டு டிராக்டர்கள் மோதி விபத்துக்குள்ளானது. இந்த விபத்தில் ஒரு டிராக்டர் அருகில் இருந்த கரும்பு தோட்டத்தில் கவிழ்ந்தது.

இந்நிலையில் இந்த பயங்கர விபத்தில் டிராக்டர் அடியில் சிக்கி 3 பேர் சம்பவ இடத்திலேயே உயிரிழந்துள்ளனர். மேலும் சிலர் பலத்த காயமடைந்துள்ளனர். இதையடுத்து இந்த விபத்து குறித்து தகவல் அறிந்து வந்த போலீசார் காயம் அடைந்தவர்களை மீட்டு சிகிச்சைக்காக மருத்துவமனைக்கு அனுப்பி வைத்தனர்.

இந்த விபத்தில் பலியானவர்கள் நவலகி கிராமத்தை சேர்ந்த கோவிந்தப்பா, அனுமந்தப்பா, சதாசிவா என அடையாளம் காணப்பட்டுள்ளனர். மேலும் இந்த விபத்து குறித்து முதோல் போலீசார் வழக்கு பதிவு செய்து விசாரணை மேற்கொண்டு வருகின்றனர்.