சட்டவிரோத பட்டாசு ஆலையில் பயங்கர வெடி விபத்து!...7 பேர் படுகாயம்!

பஞ்சாப் மாநிலம், அமிர்தசரஸ் அருகே உள்ள ஜண்டியாலா நகர் அடுத்த நாகல் குரு கிராமத்தில் உள்ள வீட்டில் சட்டவிரோதமாக பட்டாசு தயாரிக்கும் ஆலை செயல்பட்டு வந்தது.

இந்த ஆலையில் 20-க்கும் மேற்பட்டோர் பணிபுரிந்து வரும் நிலையில், வீட்டில் பட்டாசு தயாரிக்கப் பயன்படுத்தப்படும் ஏராளமான பொருட்கள் பதுக்கி வைக்கப்பட்டிருந்துள்ளது. இதற்கிடையே வழக்கம்போல் தொழிலாளர்கள் பணியில் ஈடுபட்டிருந்தபோது பயங்கர சத்தத்துடன் அந்த வீட்டில் சேமித்து வைக்கப்பட்டிருந்த பட்டாசுகள் அனைத்தும் வெடித்து சிதறின.

இந்த வெடிவிபத்தில் 7 பேர் படுகாயம் அடைந்த நிலையில், அவர்கள் அமிர்தர்ஸ் அரசு மருத்துவமனையில் சிகிச்சை பெற்று வருகின்றனர். மேலும் இந்த விபத்தில் வீடு அமைந்துள்ள கட்டிடத்தின் சுவர்கள் சேதமடைந்துள்ளது. இந்நிலையில் இந்த வெடி விபத்துக்கான காரணம் குறித்து போலீசார் தீவிர விசாரணை மேற்கொண்டு வருகின்றனர்.