நேஷனல் ஹெரால்டு வழக்கில் முக்கிய திருப்பமாக, காங்கிரஸ் மூத்த தலைவர்கள் சோனியா காந்தி மற்றும் ராகுல் காந்திக்கு சொந்தமான ரூ.700 கோடி மதிப்பிலான சொத்துகளை பறிமுதல் செய்ய அமலாக்கத்துறை (Enforcement Directorate) அதிரடி நடவடிக்கை எடுத்துள்ளது.

இந்தியாவின் முதல் பிரதமர் ஜவஹர்லால் நேரு தொடங்கிய நேஷனல் ஹெரால்ட் பத்திரிகையை அசோசியேடெட் ஜர்னல்ஸ் லிமிடெட் (AJL) நிறுவனம் நடத்தி வந்தது. பத்திரிகை கடன் பிரச்சனையால் மூடப்பட்டபோது, காங்கிரஸ் கட்சி ரூ.90 கோடி கடனாக வழங்கியதாக தெரிவிக்கப்பட்டது.

Young Indian வழியாக சொத்துக்கள் மாற்றம்?

இந்த நிலையில், 2018ம் ஆண்டு, நேஷனல் ஹெரால்ட் நிறுவனத்தின் சொத்துகள் சுமார் ரூ.2,000 கோடி மதிப்பில் இருந்தவை, யங் இந்தியா (Young Indian Pvt Ltd) என்ற நிறுவனத்துக்கு சட்டவிரோதமாக மாற்றப்பட்டதாக பாஜக தலைவர் சுப்ரமணிய சுவாமி குற்றம் சாட்டினார். மேலும், அந்த நிறுவனத்தில் சோனியா, ராகுல் இருவரும் 76% பங்குகளை வைத்திருந்ததாகவும், சொத்துக்கள் வெறும் 50 லட்சம் ரூபாய்க்கு இடமாற்றம் செய்யப்பட்டதாகவும் கூறப்பட்டது.

இதையடுத்து, சுப்ரமணிய சுவாமி இந்த முறைகேடுகள் தொடர்பாக உயர்நீதிமன்றம் மற்றும் உச்சநீதிமன்றத்தில் வழக்குகள் தொடர்ந்தார். இதை எதிர்த்து காங்கிரஸ் தலைவர்களும் எதிர்மனுக்கள் தாக்கல் செய்தனர்.

ED பறிமுதல் நடவடிக்கைகள்

வழக்கை தொடர்ந்து அமலாக்கத்துறை மற்றும் வருமான வரித்துறை விசாரணைகளை தீவிரமாக மேற்கொண்டன. இதன் மூலம், 2023 நவம்பரில், மும்பை, டெல்லி, லக்னோவில் உள்ள AJL-இன் ரூ.661 கோடி மதிப்பிலான சொத்துகள் மற்றும் ரூ.91.2 கோடி மதிப்பிலான பங்குகள் பறிமுதல் செய்யப்பட்டன.

தற்போது, இந்த நடவடிக்கையை தொடர்ந்து Herald House (டெல்லி) உட்பட பல முக்கிய சொத்துகளில் ED நோட்டீஸ் ஒட்டப்பட்டுள்ளது. அதாவது, அந்த இடங்களை காலி செய்ய உத்தரவிடப்பட்டுள்ளது. இதன் மூலம், சோனியா, ராகுல் காந்திக்கு சொந்தமான முக்கியமான சொத்துகள் அமலாக்கத்துறையின் கட்டுப்பாட்டுக்குள் வரவுள்ளதாக கூறப்படுகிறது.

அரசியல் தாக்கங்கள்

இந்த வழக்கின் பின்னணியில், காங்கிரஸ் கட்சி கடும் அதிர்ச்சியை சந்தித்து வருகிறது. இது, 2024 மக்களவைத் தேர்தல் தோல்விக்குப் பிறகு, ராகுல் மற்றும் சோனியா காந்தி இருவருக்கும் ஒரு பெரிய சட்டபூர்வ மற்றும் அரசியல் பின்னடைவு என்றே கருதப்படுகிறது.

இந்த வழக்கின் ஒட்டுமொத்த தாக்கங்கள் எதிர்கால அரசியல் சூழ்நிலையிலும், காங்கிரஸின் செயல்பாடுகளிலும் குறிப்பிடத்தக்க மாற்றங்களை உருவாக்கும் என்று அரசியல் வட்டாரங்கள் மதிப்பீடு செய்கின்றன.