திருப்பதி ஏழுமலையானை தரிசிக்க டிசம்பர் மாத ஆா்ஜித சேவை டிக்கெட்டுகள் நாளை வெளியீடு.!

திருப்பதி ஏழுமலையானை தரிசிக்க டிசம்பர் மாத ஆா்ஜித சேவை டிக்கெட்டுகள் நாளை தேவஸ்தான இணையதளத்தில் வெளியிடப்படுகிறது.

ஆந்திர பிரதேச மாநிலத்தின் தென்கிழக்கு பகுதியில் அமைந்துள்ள திருப்பதி ஏழுமலையான் கோவில், இந்தியாவில் உள்ள மிகவும் சிறப்பு வாய்ந்த முக்கிய திருத்தலங்களில் ஒன்றாகும்.

இந்நிலையில் திருப்பதி ஏழுமலையான் கோவிலில் அடுத்த மாதம் (டிசம்பர்) பக்தர்கள் ஆர்ஜித சேவையில் பங்கேற்று வழிபட நாளை காலை 10 மணியளவில் ஆர்ஜித சேவை டிக்கெட்டுகள் தேவஸ்தான இணையதளத்தில் வெளியிடப்படுகிறது.

இதனால் பக்தர்கள் தங்களுக்கு தேவையான கல்யாண உற்சவம், ஊஞ்சல் சேவை, ஆர்ஜித பிரம்மோற்சவம், சஹஸ்ர தீபலங்கார சேவைகளுக்கான டிக்கெட்டுகளை ஆன்லைன் மூலம் முன்பதிவு செய்து, குறிப்பிட்ட தேதியில் திருமலைக்கு வந்து சாமி தரிசனம் செய்யலாம் என்று திருமலை-திருப்பதி தேவஸ்தானம் தெரிவித்துள்ளது.