சோகம் - கேரளாவில் சாலையில் படுத்திருந்தவர்கள் மீது லாரி ஏறி 5 பேர் பலி.!
five peoples died for accident in kerala
கேரள மாநிலத்தில் உள்ள திருச்சூர் மாவட்டம் நாட்டிகா அருகே தேசிய நெடுஞ்சாலையில் இன்று அதிகாலை பொழுதில் மரக்கட்டைகளை ஏற்றிச் சென்ற லாரி மோதிய விபத்தில் இரண்டு குழந்தைகள் உட்பட ஐந்து பேர் உயிரிழந்தனர்.
கேரளாவிலிருந்து வந்த லாரி 6 அடி உயர தடுப்பு வேலியை இடித்துத் தள்ளி சாலை ஓரத்தில் தூங்கியவர்கள் மீது மோதி கோர விபத்து ஏற்பட்டுள்ளது. இந்த விபத்தில் சம்பவ இடத்திலேயே ஐந்து பேர் உயிரிழந்தனர்.
மேலும் ஆறு பேர் பலத்த காயமடைந்துள்ளனர். இதைப்பார்த்த அக்கம்பக்கத்தினர் படுகாயமடைந்தவர்களை மீட்டு மருத்துவமனைகளில் அனுமதித்துள்ளனர். அங்கு அவர்களுக்குச் சிகிச்சை அளிக்கப்பட்டு வருகிறது.
இந்தச் சம்பவம் குறித்து தகவலறிந்து வந்த போலீசார் உயிரிழந்தவர்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். பின்னர் இந்த சம்பவம் தொடர்பாக வழக்குப்பதிவு செய்து விசாரணை மேற்கொண்டு வருகின்றனர்.
English Summary
five peoples died for accident in kerala