ஆந்திர மாநிலம்! சமையல் சிலிண்டர் வெடித்த விபத்தில் 4 பேர் உயிரிழப்பு.!

ஆந்திர மாநிலத்தில் சமையல் எரிவாயு சிலிண்டர் வெடித்த விபத்தில் 4 பேர் உயிரிழந்து உள்ளனர்.

ஆந்திர மாநிலம் அனந்தபூர் மாவட்டத்தில் உள்ள முலக்கலேடு கிராமத்தில் உள்ள ஒரு வீட்டில் சமையல் எரிவாயு சிலிண்டர் வெடித்து விபத்து ஏற்பட்டுள்ளது.

இந்த விபத்தில் வீடு இடிந்து தரைமட்டமாகி உள்ளது. மேலும் அருகில் இருந்த இரண்டு வீடுகளும் சேதமடைந்துள்ளன. இந்த சம்பவம் குறித்து தகவல் அறிந்து விரைந்து வந்த மீட்பு படையினர் மற்றும் போலீசார் இடிபாடுகளில் சிக்கியவர்களை மீட்கும் பணியில் ஈடுபட்டனர்.

இந்நிலையில் சமையல் சிலிண்டர் வெடித்த இந்த விபத்தில் 3 வயது குழந்தை உட்பட 4 பேர் பரிதாபமாக உயிரிழந்து உள்ளனர். மேலும் இரண்டு பேர் காயமடைந்துள்ளனர்.