கர்நாடகாவில் சோகம்... ஏரியில் குளிக்க சென்ற பள்ளி சிறுவர்கள்: நொடியில் நேர்ந்த விபரீதம்.!

கர்நாடகா, திம்மனஹள்ளி கிராமத்தில் உள்ள ஏரியில் குளிக்க சென்ற 4 பள்ளி சிறுவர்கள் நீரில் மூழ்கி உயிரிழந்த சம்பவம் பெரும் சோகத்தை ஏற்படுத்தியுள்ளது.

ஒரே கிராமத்தைச் சேர்ந்த 4 சிறுவர்கள் ஏரியில் குளிக்கச் சென்றுள்ளனர். ஒரு சிறுவன் சேற்றில் சிக்கிய நிலையில் அந்த சிறுவனை காப்பாற்ற அடுத்தடுத்ததாக இறங்கிய சிறுவர்கள் நான்கு பேரும் சேற்றில் சிக்கி பரிதாபமாக உயிரிழந்து விட்டனர்.

இதுகுறித்து தகவல் அறிந்த போலீசார் மற்றும் மீட்பு படையினர் சம்பவ இடத்திற்கு விரைந்து சென்று 4 சிறுவர்கள் உடல்களையும் மீட்டு பிரேத பரிசோதனைக்காக மருத்துவமனைக்கு அனுப்பி வைத்துள்ளனர்.

மேலும் இந்த சம்பவம் குறித்து போலீசார் வழக்கு பதிவு செய்து விசாரணை மேற்கொண்டு வருகின்றனர்.