மகாத்மா காந்தியின் சிலையை சேதப்படுத்திய மர்ம நபர்கள்!

மத்தியப் பிரதேசம் : கந்த்வா மாவட்டத்தில் மகாத்மா காந்தியின் சிலையை மர்ம நபர்கள் சேதப்படுத்திய சம்பவம் குறித்து போலீசார் விசாரணை மேற்கொண்டு வருகின்றனர்.

கந்த்வா மாவட்டத்திற்கு உட்பட்ட ராணா மொஹல்லா கிராமத்தில் கடந்த 2000ஆம் ஆண்டு அந்த கிராம பஞ்சாயத்தால் மகாத்மா காந்தி சிலை ஒன்று நிறுவப்பட்டது.

இந்த சிலையை சம்பவம் நடந்த நேற்று முன்தினம் இரவு மர்ம நபர்கள் சேதப்படுத்தி உள்ளனர். இதுகுறித்து கிராம வாசிகள் போலீசாருக்கு தகவல் தெரிவிக்கவே, தகவல் அறிந்து சம்பவ இடத்துக்கு விரைந்த போலீசார், இதுகுறித்து வழக்குப்பதிவு செய்து விசாரணை மேற்கொண்டு வருகின்றனர்.

மேலும், ஜாவர் காவல் நிலைய போலீசார் சம்பவ இடத்தில் விசாரணை மேற்கொண்டு, 3 மற்றும் 427 பிரிவுகளின் கீழ் அடையாளம் தெரியாத குற்றவாளி மீது வழக்கு பதிவு செய்துள்ளனர்.

மகாத்மா காந்தியின் சிலை சேதப்படுத்தப்பட்ட சம்பவம் கந்த்வா மாவட்டத்தில் பரபரப்பை ஏற்படுத்தியுள்ளது.