திடீரென நொறுங்கிய அடுக்குமாடிக் கட்டிடம் - மக்களின் நிலை என்ன?
six storey building collapse in gujarat
குஜராத்தில் ஆறு மாடி கட்டிடம் இடிந்து விழுந்து விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது.
குஜராத் மாநிலத்தில் உள்ள சூரத் நகர் சச்சின் பாலி கிராமத்தில் 5-6 ஆண்டுகளுக்கு முன்பு கட்டப்பட்ட 6 மாடி கட்டிடம் இடிந்து விழுந்து பயங்கர விபத்து ஏற்பட்டுள்ளது. இந்த விபத்தில் ஏராளமானோர் சிக்கியிருக்கலாம் என அஞ்சப்படுகிறது.
இந்தச் சம்பவம் குறித்து அதிகாரிகளுக்கு தகவல் கிடைத்ததும் தீயணைப்பு துறையினர் மற்றும் போலீசார் சம்பவ இடத்திற்கு விரைந்து வந்து மீட்பு பணியில் ஈடுபட்டனர்.
இடிபாடுகளுக்குள் 10க்கும் மேற்பட்டோர் சிக்கியிருக்கலாம் என தகவல் வெளியாகியுள்ளது.
தற்போது ஒரு பெண் மட்டும் இடிபாடுகளில் இருந்து மீட்கப்பட்டு அருகில் உள்ள மருத்துவமனையில் அனுமதிக்கப்பட்டுள்ளார். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
English Summary
six storey building collapse in gujarat