கங்கனா ராணாவத்தும்  சர்ச்சைகளும் ஒட்டிப்பிறந்த இரட்டை குழைந்தைகள் மாதிரித்தான். எப்படியாவது வாரத்தில் சில நாட்கள் தலைப்பு செய்தியாகி விடுவார்.   சமீபத்தில் ஏர்போர்ட்டில் விவசாயிகளுக்கு எதிராக கருத்து தெரிவித்ததாக பெண் காவலாளியிடம் அறை வாங்கி பரபரப்பை ஏற்படுத்தினார். இப்பொது ஒலிம்பிக் போட்டி குறித்து சர்ச்சை கருத்தை  தெரிவித்துள்ளார். 

கடந்த வெள்ளியன்று,  ஒலிம்பிக் போட்டிகள் பாரிஸில் கோலாகலமாகத் தொடங்கியது. இதில் அரேங்கேற்றப்பட்ட பல்வேறு நிகழ்ச்சிகள் மக்களை கவர்ந்தன. அதே வேளையில் விமர் சனங்களும் எழுந்துள்ளன.  பிரபல பாலிவுட் நடிகையும் எம்பியுமான கங்கனா ரனாவத் செக்ஸ் என்பது படுக்கையறையில் இருக்க வேண்டியது என்று விமர்சனம் செய்துள்ளார். 

இந்த தொடக்க விழாவின் ஒரு பகுதியாக 18 கலைஞர்களைக் கொண்டு லியோனார்டோ டா வின்சியின் "தி லாஸ்ட் சப்பர்" தொடர்பான ஒரு நிகழ்ச்சி இடம்பெற்று இருந்தது.   தி லாஸ்ட் சப்பர் என்பது இயேசுபிரான் சிலுவையில் அறையப்படுவதற்கு முன்பு ஜெருசலேமில் உட்கொண்ட கடைசி உணவு என்பதே இதுநாள் வரை நம்பப்பட்டு வருகிறது.  மேலும் அந்த நாளை புனித வியாழன் என்று கிறிஸ்தவர்களால்   கொண்டாடப்படுகிறது. 

"தி லாஸ்ட் சப்பர்"  என்பது  லியோனார்டோ டா வின்சி வரைந்த ஓவியம் ஆகும். இந்த பெர்பார்மன்ஸின் போது ராணிகள் போல வேடமணிந்து கலை நிகழ்ச்சி நடத்தும் ஆண்களுடன்  குழந்தையையும் பங்கேற்க வைத்திருப்பது  தவறான முன்னுதாரணம்" என்று பாலிவுட் நடிகையும் மாண்டி தொகுதி எம்பியுமான கங்கனா ரனாவத் சாடியுள்ளார்.