நாம் எல்லோரும் ஆரோக்கியமான உணவுகளைச் சாப்பிட வேண்டும் என்று நினைத்தாலும், சில சமயங்களில் வாய்க்கு ருசியான சில ஸ்நாக்ஸ் உணவுகளை தேடி செல்கிறோம். அதில் மிகவும் பிரபலமானது, பானி பூரி.

இதை மாலை நேர ருசியான உணவாக நம்மில் பலரும் விரும்பி சாப்பிடுவோம்.  அந்தக்காலத்தில் வடை, பஜ்ஜி போன்றவை சாப்பிட்ட காலம் இன்று மாறி, பானி பூரி போன்ற வட இந்திய உணவுகள், மக்கள் மனதில் பெரிய இடம் பிடித்துவிட்டன. இன்றைய இளம் தலைமுறையினர் பானி பூரி மீது ஒரு வித காதலோடு இருக்கிறார்கள்.

அந்த அளவிற்கு இது நாக்கில் நீங்கா சுவையாக இருக்கிறது. ஆனால், இந்த பானி பூரி உடன் சில பிரச்சனைகளும் இணைந்துள்ளன.. நம் தெருக்களில் காணப்படும் பானி பூரி கடைகளில் விற்கப்படும் பானி பூரி, சுகாதார ரீதியாக பாதுகாப்பானதா என்று யோசிக்கவேண்டும்.

பல பானி பூரி விற்பனையாளர்கள்,வடிகட்டப்படாத தண்ணீர்மற்றும் அசுத்தமான பொருட்கள் பயன்படுத்துகிறார்கள். இதனால், வயிற்று பிரச்சினைகள், டைபாய்டு, மஞ்சள் காமாலை, வயிற்றுப் போக்குபோன்ற நோய்கள் ஏற்படும் அபாயம் உள்ளது.  குறிப்பாக ரசத்தில் பயன்படுத்தப்படும் ரசாயனங்கள், காலப்போக்கில் புற்றுநோய் வரவைக்க கூட வாய்ப்பு உள்ளது.

மேலும், பானி பூரியில் உள்ள அதிக கொழுப்பு மற்றும் கலோரிகள் நம் உடல் ஆரோக்கியத்தைக் கெடுக்கும். இது உயர் ரத்த அழுத்தம்,கொலஸ்ட்ரால் போன்ற பிரச்சினைகளை அதிகரிக்கச் செய்யும்.முடிந்தவரை சுத்தமான இடங்களில் மட்டுமே பானி பூரி சாப்பிடுவது நல்லது. அல்லது, வீட்டில் இதை செய்து குழந்தைகளுக்கு கொடுக்கலாம்.

பானி பூரி போன்ற சுவையான உணவுகள் ஆரோக்கியமாக இருந்தால் மட்டுமே, அதை நம் பசியை தணிக்கச் சாப்பிடலாம். நாம் சாப்பிடும் உணவுகள் மட்டுமின்றி, நம் உடலையும் கவனித்துக் கொள்ள வேண்டும். ஆரோக்கியத்தை காக்கும் விதத்தில், சுகாதாரமான உணவுகளைத் தேர்ந்தெடுப்பது நல்லது.