கோவை மக்களவைத் தொகுதியில் போட்டியிடும் பாஜக வேட்பாளர் அண்ணாமலை இரவு 10 மணிக்கு மேல் பிரச்சாரம் செய்ததாக மீண்டும் புகார் எழுந்ததை எடுத்து அவரை போலீசார் தடுத்து நிறுத்தினர். இதனால் அவர் காவல்துறையினருடன் கடும் வாக்குவாதத்தில் ஈடுபட்டதால் கோவையில் பெரும் பரபரப்பு தொற்றிக் கொண்டது. 

சட்ட

மேலும் அவரிடம் இருந்த பாஜக தொண்டர்களும் போலீசாரை சூழ்ந்ததால் பதற்றமான சூழல் நிலவியது. இது குறித்து அண்ணாமலை தனது எக்ஸ் சமூக வலைதள பக்கத்தில் "அற்ப காரணங்களுக்காக இன்று மீண்டும் எங்கள் பிரச்சார வாகனத்தை நிறுத்தியதால் காவல்துறையின் மூலம் திமுக அரசின் அத்துமீறல்கள் எல்லை மீறி உள்ளன. 

இரவு பத்து மணிக்கு பிறகு பிரச்சாரம் செய்ய அனுமதிக்கப்படவில்லை என்ற சாக்கு போக்கின் கீழ் போலீசார் எங்கள் வாகனத்தை தடுத்து நிறுத்தினர். நாங்கள் பிரச்சாரம் செய்யவில்லை என்று விளக்கினாலும் எங்கள் வாகனத்தில் விளக்குகள் அமைக்கப்பட்டு விட்டன. எங்களுடன் வந்த 2000 பாஜக தொண்டர்களை செல்லும் முன்பு சந்திக்க விரும்பினோம். 

போலீஸாரின் நடவடிக்கை தேர்தல் ஆணையம் வகுத்துள்ள அறிவுத்தல்களுக்கு அப்பாற்பட்டவை என விளக்கினாலும் அவர்கள் எங்களை மாற்றுவழியில் செல்லும்படி வற்புறுத்தினர். 

இந்த கடந்த மூன்று ஆண்டுகளாக ஆட்சி செய்யும் கொடிய திமுக அரசுக்கு எதிராக கோவை மக்கள் வரும் ஏப்ரல் 19ஆம் தேதி மக்களின் கோபத்திற்கு ஆளாக நேரிடும்" என அண்ணாமலை தனது பதிவில் எச்சரிக்கை விடுத்துள்ளார்.