ஜம்மு - காஷ்மீரில் நிறைவடைந்தது சட்டசபை தேர்தல்!...ஒட்டு மொத்த வாக்குப்பதிவு விவரம் இதோ!
Assembly elections completed in jammu and kashmir here the total voting details
ஜம்மு - காஷ்மீரில், சட்டசபை தேர்தல் மூன்று கட்டங்களாக நடைபெறும் என்று தேர்தல் ஆணையம் அறிவித்தது.
அதன்படி, ஜம்மு-காஷ்மீரில் மொத்தமுள்ள 90 தொகுதிகளில் முதற்கட்டமாக காஷ்மீரில் 16 தொகுதிகள் மற்றும் ஜம்முவில் 8 தொகுதிகள் என 24 தொகுதிகளுக்கு முதல் கட்ட சட்டசபை தேர்தல் கடந்த 18-ம் தேதி நடைபெற்றது. இதில் 61.38 சதவீத வாக்குகள் பதிவாகின.
தொடர்ந்து 2ம் கட்ட சட்ட சபை தேர்தல் கடந்த 25-ம் தேதி தொடங்கியது. ஜம்முவில் 11 தொகுதிகள், காஷ்மீரில் 15 தொகுதிகள் என மொத்தம் 26 தொகுதிகளுக்கு நடைபெற்ற தேர்தலில் 57.31 சதவீத வாக்குகள் பதிவாகின. இந்த தேர்தலில் மொத்தம் 239 வேட்பாளர்கள் களம் கண்ட சூழ்நிலையில், 3 ஆயிரத்து 502 வாக்குச்சாவடி மையங்கள் வாக்களிப்பதற்காக ஏற்பாடு செய்யப்பட்டு இருந்தது.
இந்த நிலையில் ஜம்மு உள்பட 7 மாவட்டங்களில் உள்ள 40 தொகுதிகளில் நேற்று 3-வது மற்றும் இறுதி கட்ட தேர்தல் நடைபெற்றது. இதில் 68.72 சதவீத வாக்குகள் பதிவானதாக தேர்தல் ஆணையம் தெரிவித்தது.
மேலும் காஷ்மீரில் ஒட்டுமொத்த வாக்கெடுப்பு சதவீதம் 63.45 சதவீதமாக உள்ளதாக தேர்தல் ஆணையம் தெரிவித்துள்ளது. தொடர்ந்து வரும் அக்டோபர் 8-ம் தேதி வாக்கு எண்ணிக்கை நடைபெறுகிறது.
English Summary
Assembly elections completed in jammu and kashmir here the total voting details