ரஜினியின் இதய இரத்த நாளத்தில் வீக்கம் - அப்பல்லோ மருத்துவமனை வெளியிட்ட மருத்துவ அறிக்கை!
Rajinikanth health report
நடிகர் ரஜினிகாந்த் தற்போது நலமுடன் இருக்கிறார் என்றும் இன்னும் இரு தினங்களில் அவர் வீடு திரும்புவார் என்றும், அப்பல்லோ மருத்துவமனை நிர்வாகம் தெரிவித்துள்ளது.
இதுகுறித்த அந்த அறிக்கையில், "நடிகர் ரஜினிகாந்த் 30 செப்டம்பர் 2024 அன்று கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டார்.
அவரது இதயத்திலிருந்து (Aorta) வெளியேறும் பிரதான இரத்த நாளத்தில் அவருக்கு வீக்கம் ஏற்பட்டது, அதற்கு அறுவை சிகிச்சை அல்லாத டிரான்ஸ்கேதீட்டர் முறை மூலம் சிகிச்சை அளிக்கப்பட்டது.
மூத்த இருதயநோய் நிபுணர் டாக்டர். சாய் சதீஷ், பெருநாடியில் ஒரு ஸ்டென்டை வைத்து வீக்கத்தை முழுவதுமாக மூடினார் (எண்டோவாஸ்குலர் ரிப்பேர்).
திட்டமிட்டபடி இந்த நடைமுறை நடந்தது என்பதை அவரது நலம் விரும்பிகளுக்கும் ரசிகர்களுக்கும் தெரியப்படுத்த விரும்
புகிறோம்.
ரஜினிகாந்த் நிலையாக இருக்கிறார், நன்றாக இருக்கிறார். இரண்டு நாட்களில் அவர் வீட்டிற்கு திரும்புவார் என்று அந்த அறிக்கையில் தெரிவிக்கப்பட்டுள்ளது.
English Summary
Rajinikanth health report