தம்பி விஜய் அவர்களின் நம்பிக்கையும், நல்நோக்கமும் ஈடேறட்டும் - சீமான் வாழ்த்து.!
seeman wish to tvk leader vijay
தமிழக வெற்றிக்கழகம் கட்சியின் தலைவர் விஜய் தொடங்கியுள்ள முதல் மாநில மாநாடு நாளை விழுப்புரம் மாவட்டம் விக்கிரவாண்டியில் நடக்கிறது. இதற்காக 85 ஏக்கர் பரப்பளவில் பிரமாண்டமான மாநாட்டு திடல் உருவாக்கப்பட்டுள்ளது.
இந்த நிலையில், நாம் தமிழர் கட்சி ஒருங்கிணைப்பாளர் சீமான், முதல் அரசியல் மாநாட்டிற்காக த.வெ.க கட்சி தலைவர் விஜய்க்கு வாழ்த்து தெரிவித்துள்ளார். இதுகுறித்து சீமான் தனது எக்ஸ் தள பக்கத்தில் பதிவு வெளியிட்டுள்ளதாவது:-
"அரசியல் மாற்றமெனும் பெருங்கனவோடு ஆருயிர் இளவல் விஜய் அவர்களின் தலைமையில் தொடங்கப்பட்ட தமிழக வெற்றிக் கழகத்தின் முதல் அரசியல் மாநாடு சிறக்க என் நெஞ்சம் நிறைந்த வாழ்த்துகள்!
தமிழக வெற்றிக் கழகத்தின் கொள்கை பேரறிவிப்பு தமிழ்நாட்டு மண்ணுக்கும், மக்களுக்கும் நலன் பயக்கட்டும்! தம்பி விஜய் அவர்களின் நம்பிக்கையும், நல்நோக்கமும் ஈடேறட்டும்! என்று பதிவிட்டுள்ளார்.
English Summary
seeman wish to tvk leader vijay