மங்களகரமான விகாரி வருடம் திருக்கணித பஞ்சாங்கத்தின் அடிப்படையில் தை மாதம் 10ஆம் (24.01.2020) தேதியன்று அமாவாசை திதியில், ஒளி நாயகனான சூரியனின் நட்சத்திரமான உத்திராட நட்சத்திரத்தில் அதாவது வெள்ளிக்கிழமை காலை 09.57 மணிக்கு சனி தேவர் தனுசு ராசியில் இருந்து மகர ராசிக்கு பெயர்ச்சி அடைகிறார்.
எந்த வகை வலையாயினும் தன்னம்பிக்கையுடன் செயல்பட்டு மீண்டு வரும் மீன ராசி அன்பர்களே...!!

இதுவரை உங்கள் ராசிக்கு பத்தாம் இடமான ஜீவன ஸ்தானத்தில் இருந்துவந்த சனிபகவான் இதற்கு மேல் தங்களின் ராசிக்கு லாப ஸ்தானமான பதினொன்றாம் இடத்திற்கு செல்கிறார்.

சனி தான் இருக்கும் வீட்டில் இருந்து மூன்றாம் பார்வையாக ராசியையும், ஏழாம் பார்வையாக பஞ்சம பூர்வ புண்ணிய ஸ்தானத்தையும், பத்தாம் பார்வையாக அஷ்டம ஸ்தானத்தையும் பார்க்கின்றார்.

பேச்சுக்களில் நிதானம் வேண்டும். குலதெய்வ வழிபாடு தொடர்பான எண்ணங்கள் மேம்படும். சுரங்க பணியில் மேன்மையான வாய்ப்புகள் ஏற்படும். மனதில் எண்ணிய எண்ணங்கள் நிறைவேறும். எதிர்பாராத சில தனவரவுகளால் பொருளாதார நெருக்கடிகள் குறைந்து மேன்மை உண்டாகும். வீட்டில் சுபக்காரியங்கள் தொடர்பான நிகழ்ச்சிகளால் மனமகிழ்ச்சி உண்டாகும். நெருங்கிய உறவினர்கள் அல்லது நண்பர்களிடம் சூழ்நிலைகள் அறிந்து பேசுவது நன்மையை அளிக்கும். பூர்வீகச் சொத்துக்கள் தொடர்பான பராமரிப்புச் செலவுகள் நேரிடலாம். புத்திரர்களின் செயல்பாடுகளில் கவனம் வேண்டும்.

உத்தியோகஸ்தர்களுக்கு :

உத்தியோகஸ்தர்கள் தங்களின் பணிகளை மற்றவர்களை நம்பி ஒப்படைப்பதைக் காட்டிலும் தாமே முடிப்பது நன்மையை தரும். செய்யும் வேலையை திருப்தியுடன் செய்யவும். பணி நிமிர்த்தமான மாற்றங்களை தகுந்த ஆலோசனைகளுக்கு பிறகு முடிவு செய்யவும். நீண்டநாள் ஆசைகள் நிறைவேறும். வேலை தொடர்பான ரகசியங்களை எவரிடமும் பகிர வேண்டாம். உயர் பதவியில் இருப்பவர்களின் அறிமுகம் மற்றும் ஆதரவுகள் கிடைக்கும்.

பெண்களுக்கு :

தேவையற்ற எண்ணங்களை தவிர்ப்பதன் மூலம் மனத்தெளிவு உண்டாகும். குழந்தைகளின் தேவைகளை அறிந்து நிறைவேற்றி வைப்பீர்கள். தம்பதிகளுக்குள் சிறு வாக்குவாதங்கள் தோன்றி மறையும். எதிர்பாலின மக்களிடம் விழிப்புணர்வுடன் இருக்கவும். இறைவழிபாடு தொடர்பான பயணங்களை மேற்கொள்வதற்கான சூழல் உண்டாகும். தாய்வழி உறவினர்களிடம் சூழ்நிலைக்கு தகுந்தாற்போல் அனுசரித்து செல்லவும். திறமைக்கேற்ப வேலை வாய்ப்புகள் கிடைக்கும். பெற்றோர்களின் விருப்பங்களை அறிந்து நிறைவேற்றுவீர்கள்.

மாணவர்களுக்கு :

உயர்கல்வி பயிலும் மாணவர்கள் சற்று கவனத்துடன் இருக்க வேண்டும். ஆராய்ச்சி சார்ந்த துறையில் இருப்பவர்களுக்கு வெளியூர் தொடர்பான பயணங்கள் மற்றும் அலைச்சல்கள் உண்டாகும். எதிலும் சுறுசுறுப்புடன் செயல்பட எண்ணிய வெற்றி கிடைக்கும். தேர்வுக்கு தேவையான பாடங்களை ஒருமுறைக்கு இருமுறை படிப்பது மேன்மை தரும். 

வியாபாரிகளுக்கு :

வியாபாரத்தில் கொடுக்கல், வாங்கலில் கவனம் வேண்டும். எதிர்பார்த்த லாபங்களால் சேமிப்பு மேம்படும். தொழிலில் போட்டிகள் குறையும். பெருந்தன்மையான செயல்பாடுகளினால் சில அறிமுகமும், அதனால் ஆதாயமும் கிடைக்கும். பூர்வீகச் சொத்துக்களில் சில மாற்றங்களை செய்வதற்கான வாய்ப்புகள் உண்டாகும். ஏற்றுமதி, இறக்குமதி சார்ந்த தொழிலை மேற்கொள்பவர்களுக்கு சாதகமான சூழல் உண்டாகும். வேலையாட்களால் அனுகூலமான பலன்கள் உண்டாகும்.

அரசியல்வாதிகளுக்கு :

அரசியல்வாதிகளுக்கு சுபிட்சமான காலமிது. வெளிநாடு தொடர்பான பயணங்கள் மேற்கொள்வதற்கான யோகம் ஏற்படும். பொதுக்கூட்டங்களில் உரையாடும்போது சொற்களில் கவனம் வேண்டும். தொண்டர்களிடத்தில் உங்களின் மீதான செல்வாக்கு மேம்படும். உடல் ஆரோக்கியம் சார்ந்த செயல்பாடுகளில் அக்கறை வேண்டும்.

கலைஞர்களுக்கு :

கலைத்துறையில் உள்ளவர்களுக்கு சிறப்பான காலம் ஆகும். விருதுகள் கிடைக்கும். திறமைகளை வெளிப்படுத்தும் சிறுவாய்ப்புகளாக இருந்தாலும் அதை தகுந்த முறைகளில் பயன்படுத்திக் கொள்ளவும். நிலுவையில் இருந்துவந்த தனவரவுகள் கிடைப்பதற்கான சூழல் உண்டாகும். மனதில் இருக்கும் பலவகைப்பட்ட குழப்பங்களில் இருந்து தெளிவு கிடைக்கும். 

விவசாயிகளுக்கு :

மனை சார்ந்த செயல்பாடுகளில் லாபம் அதிகரிக்கும். விவசாய உபகரணங்கள் தொடர்பான பராமரிப்பு செலவுகள் மேம்படும். விவசாய மாநாடுகளில் கலந்து கொள்ளும் வாய்ப்புகளும், சில அறிமுகங்களும் கிடைக்கும். புதிய பயிர் விளைச்சலில் ஈடுபடும்போது தகுந்த ஆலோசனைகள் பெற்று முடிவு செய்யவும். நெல்லி மற்றும் கொடிவகை விளைச்சல்கள் சாதகமான பலனைத் தரும்.

வழிபாடு :

மூல நட்சத்திரத்தன்று வடமாலை சாற்றி ஆஞ்சநேயரை வழிபட்டு வர தெளிவு கிடைக்கும்.