சீனாவில் உள்ள ஹூலுன்பியர் நகரில் 8-வது ஆசிய சாம்பியன்ஸ் கோப்பை ஹாக்கி போட்டிகள் நடைபெற்று வந்தது. 6 அணிகளுக்கு இடையிலான இந்த போட்டியில், இந்தியா, தென் கொரியா, சீனா, பாகிஸ்தான் அணிகள் அரையிறுதிக்கு முன்னேறியது.

தொடர்ந்து இந்த போட்டியில்  இந்திய அணி, 4-1 என்ற கோல் கணக்கில் தென் கொரியாவை வீழ்த்தி,  5-வது முறையாக இறுதிப்போட்டிக்குள் நுழைந்தது.பின்னர் மற்றொரு அரையிறுதியில் சீனா, பாகிஸ்தானை இந்தியா எதிர்கொண்டது. பரபரப்பான இந்த ஆட்டம் வழக்கமான நேரத்தில் 1-1 என்ற கோல் கணக்கில் சமன் ஆனது. இதில் சீனா 2-0 என்ற கணக்கில் மூன்று முறை சாம்பியனான பாகிஸ்தானுக்கு அதிர்ச்சி அளித்து முதல்முறையாக இறுதிப்போட்டிக்கு முன்னேறியது.

இந்நிலையில் இன்று நடைபெற்ற இறுதி ஆட்டத்தில் இந்தியா - சீனா அணிகள் மோதின. பரபரப்பாக நடைபெற்ற இந்த ஆட்டத்தில் இந்திய அணி தொடக்கம் முதலே ஆதிக்கம் செலுத்தியது. இந்திய அணியின் ஜுக்ராஜ் சிங் ஆட்டத்தின் 50 நிமிடங்களில் கோல் அடித்தார். இதன் மூலம்  இந்திய அணி 1-0 என முன்னிலை பெற்றது.

தொடர்ந்து சீனா கடுமமையாக முயற்சித்தும் கோல் அடிக்க முடியவில்லை. பின்னர் இறுதியில் இந்திய அணி 1-0 என்ற கோல் கணக்கில் சீனாவை வீழ்த்தி 5வது முறையாக சாம்பியன் பட்டத்தை கைப்பற்றியுள்ளது. இதற்கு பல்வேறு நாட்டினை சேர்ந்த முக்கிய பிரமுகர்கள் மற்றும் விளையாட்டு வீரர்கள் தங்களது வாழ்த்துகளை தெரிவித்து வருகின்றனர்.