ஆஸ்திரேலியாவுக்கு எதிரான டெஸ்ட் கிரிக்கெட்! பாகிஸ்தான் நிதான ஆட்டம்.!

ஆஸ்திரேலியாவுக்கு எதிரான டெஸ்ட் கிரிக்கெட் போட்டியில் பாகிஸ்தான் அணி நிதான ஆட்டத்தை வெளிப்படுத்தி வருகிறது.

பாகிஸ்தான் ஆஸ்திரேலியா அணிகளுக்கு இடையிலான 3வது டெஸ்ட் போட்டி லாகூரில் நடைபெற்று வருகிறது. டாஸ் வென்று முதலில் பேட்டிங் செய்த ஆஸ்திரேலிய அணி உஸ்மான் கவாஜா 91 ரன்களும், ஸ்டீவ் கிரீன் 79 ரன்களும், அலெக்ஸ் கேரி, 67 ரன்களும் எடுக்க முதல் இன்னிங்சில் 391 ரன்கள் எடுத்து ஆட்டமிழந்தது.

பாகிஸ்தான் அணி தரப்பில் ஷாஹீன் அப்ரிடி மற்றும் நசீம் ஷா ஆகியோர் தலா 4 விக்கட்டுகளை கைப்பற்றினர்.

இதனையடுத்து முதல் இன்னிங்சை தொடங்கிய பாகிஸ்தான் அணியில் இமாம் ஹுல் ஹக் 11 ரன்களில் ஆட்டமிழக்க இரண்டாம் நாள் ஆட்ட நேர முடிவில் 1 விக்கெட் இழப்பிற்கு 90 ரன்கள் எடுத்துள்ளது. ஷபீக் 45 ரன்களுடனும், அசார் அலி 30 ரன்களுடனும் களத்தில் உள்ளனர். தற்போது வரை ஆஸ்திரேலிய ஆனி 301 ரன்கள் முன்னிலை பெற்றுள்ளது.

ராவல்பிண்டி மற்றும் கராச்சியில் நடைபெற்ற இரண்டு டெஸ்ட் போட்டிகளும் ட்ராவில் முடிந்தது குறிப்பிடத்தக்கது.