ஐபிஎல் தொடரின் இன்றைய ஆட்டத்தில் லக்னோ மற்றும் டெல்லி அணிகள் மோதின. இதில் டாஸ் வென்ற டெல்லி அணியின் கேப்டன் அக்சர் பட்டேல் பந்து வீச்சை தேர்வு செய்தார். அதன்படி முதலில் களமிறங்கிய லக்னோ 20 ஓவரில் 06 விக்கெட்டுகளை இழந்து 159 ரன்கள் எடுத்தது. டெல்லி அணி தரப்பில் முகேஷ் குமார் 04 விக்கெட்டுகளை கைப்பற்றினார்.

இதையடுத்து 160 ரன்கள் என்ற வெற்றி இலக்குடன் களமிறங்கிய டெல்லி அணியில் அபிஷேக் போரல் 51 ரன்களும், கருண் நாயர் 15 ரன்களும் எடுத்து ஆட்டமிழந்தனர். பின்னர் ஜோடி சேர்ந்த ராகுல் மற்றும் படேல் சிறப்பாக ஆடினர்.

இதில், ராகுல் 42 பந்துகளில் 57 ரன்களும், கேப்டன் அக்சர் பட்டேல் படேல் 20 பந்துகளில் 34 ரன்களும் எடுத்து ஆட்டமிழக்காமல் இருந்தனர். இறுதியில் டெல்லி அணி 17.5 ஓவர் முடிவில் 02 விக்கெட்டுகளை இழந்து 161 ரன்கள் எடுத்தது.

இதன் காரணமாக  டெல்லி அணி 08 விக்கெட் வித்தியாசத்தில் லக்னோ அணியை வீழ்த்தியுள்ளது. புள்ளி பட்டியலில் டெல்லி அணி 08 போட்டிகளில் 02 தோல்விகள் அடைந்து, 06 வெற்றிகளை பெற்று, 02-வது இடத்திலும், லக்னோ அணி 09 போட்டிகளில் 05 வெற்றிகளை பெற்று 05-வது இடத்திலும் உள்ளன.

டெல்லி அணி சார்பில் முகேஷ் குமார் 04 விக்கெட்டுகளை வீழ்த்தியதில் ஆட்ட நாயகன் விருதை வென்றார்.