ஐ.சி.சி. டெஸ்ட் புதிய தரவரிசை பட்டியல்: முதலிடத்தில் தொடரும் பும்ரா மற்றும் ஜடேஜா..!

சர்வதேச கிரிக்கெட் கவுன்சில் (ஐ.சி.சி.), டெஸ்ட் போட்டிகளில் வீரர்களுக்கான புதிய தரவரிசை பட்டியலை வெளியிட்டுள்ளது. அந்தவகையில், டெஸ்ட் பந்து வீச்சாளர்கள் தரவரிசையில் இந்திய வேகப்பந்து வீச்சாளர் ஜஸ்பிரித் பும்ரா (908 புள்ளி) முதலிடத்தில் தொடருகிறார்.

ஆஸ்திரேலிய கேப்டன் கம்மின்ஸ் 02-வது இடத்திலும் (841 புள்ளி), தென் ஆப்பிரிக்காவின் ககிசோ ரபடா (837 புள்ளி) 03-வது இடத்திலும் உள்ளனர். இதில் பாகிஸ்தான் வீரர் நோமன் அலி 02 இடங்கள் முன்னேறி 09-வது இடத்தை பிடித்துள்ளார். இந்திய வீரரான ஜடேஜா ஒரு இடம் சரிந்து 10-வது இடத்தில் உள்ளார்.

பேட்ஸ்மேன்கள் தரவரிசையில் ஜோ ரூட், ஹாரி புரூக், வில்லியம்சன், ஜெய்ஸ்வால், டிராவிஸ் ஹெட் ஆகியோர் மாற்றமின்றி முறையே முதல் 05 இடங்களில் நீடிக்கிறார்கள்.

இந்த வரிசையில் பாகிஸ்தான் வீரர் சாத் ஷகீல் 03 இடங்கள் முன்னேறி 08-வது இடத்தை பிடித்துள்ளார். இந்த வரிசையில் இந்திய வீரரான ரிஷப் பண்ட் ஒரு இடம் சரிந்து 10-வது இடத்தில் உள்ளார்.

அத்துடன், ஆல் ரவுண்டர்கள் வரிசையில் பெரிய அளவில் மாற்றம்; ஏற்படவில்லை. தொடர்ந்தும் இந்திய வீரர் ஜடேஜா முதலிடத்தில் உள்ளார்.