16வது சீசன் ஐபிஎல் கிரிக்கெட் போட்டி கடந்த மார்ச் 31ஆம் தேதி தொடங்கிய நிலையில், தற்போதைய இறுதி கட்டத்தை எட்டியுள்ளது. அந்த வகையில் இனிமேல் நடைபெறும் லீக் போட்டியும் மிகவும் முக்கியமாகும். இதில் தோல்வி அடையும் அணிகள் பிளே ஆப் சுற்றுக்கு தகுதி பெறுவது மிகவும் கடினமாக இருக்கும்.

அந்த வகையில் டெல்லி மற்றும் ஹைதராபாத் ஆகிய இரு அணிகளும் நடப்பாண்டு ஐபிஎல் தொடரில் இருந்து ப்ளே ஆப் சுற்றுக்கு முன்னேறும் வாய்ப்பை இழந்துள்ளது.

இந்த நிலையில் நேற்று இரவு 7.30 மணிக்கு நடைபெற்ற 63வது லீக் போட்டியில் பஞ்சாப் அணியும், டெல்லி அணியும் மோதின. இதில் டாஸ் வென்ற பஞ்சாப் அணி பவுலிங் தேர்வு செய்தது.

அதன்படி முதலில் பேட்டிங் செய்த டெல்லி அணி 20 ஓவர்கள் முடிவில் 2 விக்கெட் இழப்பிற்கு 213 ரன்கள் குவித்தது. அந்த அணியில் சிறப்பாக விளையாடிய ரில்லி ரூசோவ் 37 பந்துகளில் 82 ரன்கள் குவித்தார்.

அதனைத் தொடர்ந்து 214 ரன்கள் அடித்தால் வெற்றி என்று இலக்குடன் களமிறங்கிய 20 ஓவர்கள் முடிவில் 8 விக்கெட் இழப்பிற்கு 198 ரன்கள் குவித்தது. இதன் மூலம் 15 ரன்கள் வித்தியாசத்தில் டெல்லி அணி வெற்றி பெற்றது.

இந்த போட்டியில் பஞ்சாப் அணி தோல்வி அடைந்ததன் மூலம் பிளே ஆப் சுற்றுக்கு முன்னேறும் வாய்ப்பை இழந்துள்ளது. மேலும், பெங்களூர் மற்றும் மும்பை ஆகிய அணிகள் தோல்வியடையும் பட்சத்தில் பஞ்சாப் அணி நெட் ரன்ரேட் அடிப்படையில் ப்ளே ஆப் சுற்றுக்கு முன்னேற வாய்ப்புள்ளது.