ஐசிசி விருது இந்திய அணியின் விராட் கோலி, தீப்தி ஷர்மா பெயர்கள் பரிந்துரை.!

ஐசிசியின் சிறந்த வீரர் மற்றும் வீராங்கனைகள் விருதிற்கு விராட் கோலி, ஜெமிமா ரோட்ரிகஸ் மற்றும் தீப்தி ஷர்மா ஆகியோரின் பெயர்கள் பரிந்துரைக்கப்பட்டுள்ளன.

சர்வதேச கிரிக்கெட் கவுன்சில் சார்பில் ஒவ்வொரு மாதமும் சிறந்த வீரர் மற்றும் வீராங்கனைகள் தேர்வு செய்யப்பட்டு விருது வழங்கப்பட்டு வருகிறது. அந்த வகையில் அக்டோபர் மாதத்திற்கான சிறந்த வீரர்கள் விருதுக்கான பரிந்துனரை பட்டியலை வெளியிட்டுள்ளது.

இதில், வீரர்களுக்கான விருது பரிந்துரை பட்டியலில் இந்திய வீரர் விராட் கோலி, தென்னாப்பிரிக்கா வீரர் டேவிட் மில்லர் மற்றும் ஜிம்பாப்வே வீரர் சிக்கந்தர் ராசா ஆகியோர் பெயர்கள் இடம் பெற்றுள்ளன.

சிறந்த வீராங்கனைகளுக்கான விருது பரிந்துரை பட்டியலில் இந்திய மகளிர் அணியின் ஜெமிமா ரோட்ரிகஸ் மற்றும் தீப்தி சர்மா, பாகிஸ்தான் மகளிர் அணியின் நிதா தர் ஆகியோரின் பெயர்கள் இடம்பெற்றுள்ளன.

இவர்களிலிருந்து தலா ஒருவர் சிறந்த வீரர் மற்றும் வீராங்கனை விருதுக்கு தேர்வு செய்யப்படுவார்கள். ஐசிசியின் அங்கீகாரம் பெற்ற வாக்கு கமிட்டி உறுப்பினர்கள் மற்றும் ரசிகர்கள் அளிக்கும் வாக்குகள் அடிப்படையில் சிறந்த வீரர்கள் மற்றும் வீராங்கனைகள் தேர்வு செய்யப்படுவார்கள்.