புரோ கபடி லீக் : தமிழ் தலைவாஸ் அணியை வீழ்த்தி பாட்னா வெற்றி!

11-வது புரோ கபடி லீக் போட்டி கடந்த 19-ம் தேதி ஐதராபாத்தில் தொடங்கியது. இந்த போட்டியின் லீக் சுற்று ஆட்டங்கள் அடுத்ததாக உத்தபிரதேச மாநிலத்தில் உள்ள நொய்டாவில் நவம்பர் 10 முதல் டிசம்பர் 1-ம் தேதி வரையும், பின்னர் மகாராஷ்டிரா மாநிலம் புனேயில் டிசம்பர் 3-ம் தேதி முதல் 24-ம் தேதி வரை நடைபெறுகிறது.

மேலும், இந்த போட்டியில் நடப்பு சாம்பியன் புனேரி பால்டன், முன்னாள் சாம்பியன்கள் யு மும்பா, பெங்களூரு புல்ஸ், பெங்கால் வாரியர்ஸ், தபாங் டெல்லி மற்றும் தெலுங்கு டைட்டன்ஸ், தமிழ் தலைவாஸ், குஜராத் ஜெயன்ட்ஸ், அரியானா ஸ்டீலர்ஸ், உ.பி.யோத்தாஸ் ஆகிய 12 அணிகள் தலா 2 முறை மோதும். லீக் சுற்று முடிவில் முதல் 6 இடங்களை பிடிக்கும் அணிகள் பிளே-ஆப் சுற்றுக்கு தகுதி பெற உள்ளது.

இதற்கிடையே நேற்று நடைபெற்ற ஆட்டத்தில் பாட்னா பைரட்ஸ்-தமிழ் தலைவாஸ் அணியை சந்தித்தது.

இந்த ஆட்டத்தில் பாட்னா அணி 42-40 என்ற புள்ளி கணக்கில் தமிழ் தலைவாசை வீழ்த்தி வெற்றி பெற்றது.