ஜூனியர் மகளிர் டி20 உலகக் கோப்பை.. இறுதிப்போட்டியில் இந்தியா - இங்கிலாந்து மோதல்.!

ஜூனியர் மகளிர் டி20 உலகக் கோப்பை தொடரின் இறுதிப்போட்டியில் இந்தியா - இங்கிலாந்து அணிகள் மோதுகின்றன.

மகளிர் 19 வயதுக்குட்பட்டோருக்கான டி20 உலகக் கோப்பை தொடரானது தென் ஆப்ரிக்காவில் நடைபெற்று வருகிறது. இந்த டி20 உலக்கோப்பை முதல் மகளிர் அண்டர்-19 டி20 உலகக் கோப்பை என்பது குறிப்பிடத்தக்கது.

ஜூனியர் மகளிர் உலகக் கோப்பை லீக் சுற்று மற்றும் சூப்பர் 6 போட்டிகளின் முடிவில் இந்தியா இங்கிலாந்து ஆஸ்திரேலியா நியூசிலாந்து ஆகிய 4 அணிகள் அரையிறுதிக்கு தகுதி பெற்றது.

இதில் இன்று மதியம் 1.30 நடைபெற்ற முதல் அரையிறுதி போட்டியில் இந்தியா - நியூசிலாந்து அணிகள் மோதின. 8 விக்கெட் வித்தியாசத்தில் இந்திய அணி அபார வெற்றி பெற்று இறுதி போட்டிக்கு முன்னேறியது.

அதனைத் தொடர்ந்து மாலை 5.15 மணிக்கு நடைபெற்ற இரண்டாவது அரையிறுதியில் ஆஸ்திரேலியா - இங்கிலாந்து அணிகள் மோதின. இதில் இங்கிலாந்து அணி 3 ரன்கள் த்ரில் வெற்றி பெற்று இறுதிப்போட்டிக்கு முன்னேறி உள்ளது.