ஹோலி கொண்டாடிய ஆர்சிபி அணியின் வெளிநாட்டு வீராங்கனைகள்.. வைரல் புகைப்படங்கள்.!
Womens RCB team celebrate Holi festival
பெங்களூரு அணியின் வெளிநாட்டு வீராங்கனைகளுடன் இந்திய வீராங்கனைகள் ஹோலி கொண்டாடிய புகைப்படங்கள் சமூக வலைதளங்களில் வைரலாகி வருகிறது
இந்துக்களால் கொண்டாடப்படும் முக்கியமான பண்டிகைகளை ஒன்று ஹோலி பண்டிகை. அந்த வகையில் இந்த ஆண்டு ஹோலி பண்டிகை நாளை கொண்டாடப்படுகிறது. இந்தப் பண்டிகை பனி காலத்திற்கு விடையளித்து வெயில் காலத்தை வரவேற்கும் வகையில் கொண்டாடப்படுகிறது.
ஹோலி பண்டிகை அன்று இயற்கையான வண்ணப் பொடிகளை ஒருவர் மீது ஒருவர் பூசி மகிழ்ச்சியை வெளிப்படுத்துகின்றனர். குறிப்பாக இந்த பண்டிகை வடமாநிலங்களில் கொண்டாடப்படுகிறது.
இந்த நிலையில் முதலாவது மகளிர் பிரிமியர் லீக் தொடர் நடைபெற்று வரும் நிலையில் ஹோலி பண்டிகையையொட்டி பெங்களூர் அணியின் வெளிநாட்டு கிரிக்கெட் வீரர்களான எலிஸ் பெர்ரி, சோஃபி டிவைன், ஹீதர் நைட் மற்றும் பலர் இந்திய வீராங்கனைகளான ஸ்மிருதி மந்தனா மற்றும் ரிச்சா கோஷ் ஆகியோருடன் இணைந்து வண்ணப்பொடிகளை ஒருவர் மீது ஒருவர் பூசி ஹோலி கொண்டாடிய புகைப்படங்கள் சமூக வலைதளங்களில் வைரலாகி வருகிறது.
English Summary
Womens RCB team celebrate Holi festival