மகளிர் டி20 உலக கோப்பையில் இந்திய அணிக்கு எதிரான அரையிறுதி போட்டியில் ஆஸ்திரேலிய அணி பேட்டிங் தேர்வு செய்துள்ளது.

8வது மகளிர் டி20 உலக கோப்பை கிரிக்கெட் போட்டி தென் ஆப்பிரிக்காவில் பிப்ரவரி 10ம் தேதி முதல் நடைபெற்று வருகிறது. அதன்படி மொத்தம் 10 அணிகள் பங்கேற்கும் இந்த டி20 உலக்கோப்பையில் மொத்தம் 23 போட்டிகள் நடைபெற உள்ளது.

அவை 2 பிரிவுகளாக பிரிக்கப்பட்டுள்ளன. இதில் 'ஏ' பிரிவில் நடப்பு சாம்பியன் ஆஸ்திரேலியா, தென்னாபிரிக்கா, நியூசிலாந்து, இலங்கை, வங்காளதேசம் ஆகிய அணிகள் இடம் பெற்றுள்ளது. அதேபோல் 'பி' பிரிவில் இந்தியா, இங்கிலாந்து, வெஸ்ட் இண்டீஸ், பாகிஸ்தான், அயர்லாந்து அணிகள் இடம் பெற்றுள்ளன.

இந்த நிலையில் தற்போது லீக் சுற்று போட்டிகளின் முடிவில் 'ஏ' பிரிவில் முதல் 2  இடங்களை பிடித்த ஆஸ்திரேலியா, தென்னாபிரிக்கா அணிகளும், அதேபோல் 'பி' பிரிவில் முதல் 2 இடங்களை பிடித்த இங்கிலாந்து, இந்தியா ஆகிய 4 அணிகள் அரையிறுதிக்கு முன்னேறியுள்ளது.

அதனைத் தொடர்ந்து இன்று முதல் அரையிறுதி போட்டிகள் நடைபெற உள்ளது. அதன்படி இன்று நடைபெறும் முதல் அரையிறுதி போட்டியில் இந்தியா- ஆஸ்திரேலியா அணிகள் மோதுகின்றன. இந்தப் போட்டி இந்திய நேரப்படி மாலை 6.30 மணிக்கு நடைபெறுகிறது. இதில் டாஸ் வென்ற ஆஸ்திரேலிய அணி பேட்டிங் தேர்வு செய்துள்ளது.

அணி விவரம்

இந்திய மகளிர் 11 வீராங்கனைகள் :

ஷபாலி வர்மா, ஸ்மிருதி மந்தனா, ஜெமிமா ரோட்ரிக்ஸ், ஹர்மன்ப்ரீத் கவுர்(கேட்ச்), ரிச்சா கோஷ்(வ), தீப்தி சர்மா, யாஸ்திகா பாட்டியா, சினே ராணா, ஷிகா பாண்டே, ராதா யாதவ், ரேணுகா தாக்கூர் சிங்

ஆஸ்திரேலியா மகளிர் 11 வீராங்கனைகள் :

அலிசா ஹீலி(வ), பெத் மூனி, மெக் லானிங்(சி), ஆஷ்லே கார்ட்னர், எலிஸ் பெர்ரி, தஹ்லியா மெக்ராத், கிரேஸ் ஹாரிஸ், ஜார்ஜியா வேர்ஹாம், ஜெஸ் ஜோனாசென், மேகன் ஷட், டார்சி பிரவுன்

டி20 உலக்கோப்பை போட்டிகளில் இதுவரை நேருக்கு நேர்

டி20 உலக கோப்பை போட்டிகளில் இந்தியா ஆஸ்திரேலிய அணிகள் இதுவரை 5 போட்டிகளில் மோதியுள்ளன. இதில் 2 போட்டிகளில் இந்திய அணியும், 3 போட்டிகளில் ஆஸ்திரேலியா அணியும் வெற்றி பெற்றுள்ளது.