மகளிர் டி20 உலகக்கோப்பையில் இந்தியா அயர்லாந்து அணிகள் இன்று மோதிகின்றன.

8வது மகளிர் டி20 உலக கோப்பை கிரிக்கெட் போட்டி தென் ஆப்பிரிக்காவில் பிப்ரவரி 10ம் தேதி முதல் நடைபெற்று வருகிறது. அதன்படி மொத்தம் 10 அணிகள் பங்கேற்கும் இந்த டி20 உலக்கோப்பையில் மொத்தம் 23 போட்டிகள் நடைபெற உள்ளது.

அவை 2 பிரிவுகளாக பிரிக்கப்பட்டுள்ளன. இதில் 'ஏ' பிரிவில் நடப்பு சாம்பியன் ஆஸ்திரேலியா, தென்னாபிரிக்கா, நியூசிலாந்து, இலங்கை, வங்காளதேசம் ஆகிய அணிகள் இடம் பெற்றுள்ளது. அதேபோல் 'பி' பிரிவில் இந்தியா, இங்கிலாந்து, வெஸ்ட் இண்டீஸ், பாகிஸ்தான், அயர்லாந்து அணிகள் இடம் பெற்றுள்ளன.

இதில், இந்திய அணி தனது முதல் போட்டியில் பாகிஸ்தானையும், 2வது போட்டியில் வெஸ்ட் இண்டீஸ் அணியையும் வீழ்த்தி 4 புள்ளிகளுடன் புள்ளிப் பட்டியலில் 2வது இடத்தில் உள்ளது. இதில், நேற்று முன்தினம் நடைபெற்ற 3வது லீக் போட்டியில் இங்கிலாந்து அணி இடம் தோல்வியடைந்தது.

இந்த நிலையில் இந்திய அணி தனது கடைசி லீக் போட்டியில் இன்று அயர்லாந்து அணியுடன் மோதுகிறது. இந்திய நேரப்படி இன்று மாலை 6.30 மணிக்கு தொடங்குகிறது.

இன்றைய போட்டியில் இந்திய அணி வெற்றி பெற்றால் அரையிறுதி செல்வது உறுதியாகிவிடும். ஒருவேளை தோல்வி அடைந்தால் பாகிஸ்தான் அணியை அரையிறுதிக்கு தகுதி பெறும் என்பது குறிப்பிடத்தக்கது.

இதுவரை நேருக்கு நேர்

இந்தியா - அயர்லாந்து அணிகள் இதுவரை ஒரே ஒரு டி20 போட்டியில் மட்டுமே நேருக்கு நேர் மோதியுள்ளது. அதில், இந்திய அணியே வெற்றி பெற்றுள்ளது.

அணி விவரம்

இந்திய மகளிர் அணி:

ஸ்மிருதி மந்தனா, ஷஃபாலி வர்மா, ஜெமிமா ரோட்ரிக்ஸ், ஹர்மன்ப்ரீத் கவுர்(கே), ரிச்சா கோஷ்(வி.கீ), தீப்தி சர்மா, பூஜா வஸ்த்ரகர், ஷிகா பாண்டே, ராதா யாதவ், ராஜேஸ்வரி கயக்வாட், ரேணுகா தாக்கூர் சிங், தேவிகா வைத்யா, ஹர்லீன் தியோல்  அஞ்சலி சர்வானி, யாஸ்திகா பாட்டியா

அயர்லாந்து மகளிர் அணி:

ஏமி ஹண்டர், கேபி லூயிஸ், ஓர்லா ப்ரெண்டர்காஸ்ட், எமியர் ரிச்சர்ட்சன், லூயிஸ் லிட்டில், லாரா டெலானி(கே), அர்லீன் கெல்லி, மேரி வால்ட்ரான்(வி.கீ), லியா பால், காரா முர்ரே, ஜேன் மாகுவேர், ஜார்ஜினா டெம்ப்சே, ரேச்சல் டெலானி, சோஃபி மக்மஹோன், ஷௌனா கவனாக்