குஜராத் அணிக்கு எதிரான போட்டியில் பெங்களூரு அணி 11 ரன்கள் வித்தியாசத்தில் தோல்வி அடைந்துள்ளது.

முதலாவது மகளிர் ஐபிஎல் கிரிக்கெட் தொடர் கடந்த மார்ச் 4ம் தேதி தொடங்கி நடைபெற்று வருகிறது. மொத்தம் 5 பங்கேற்று விளையாடி வருகின்றன.

இந்த நிலையில் நேற்று இரவு நடைபெற்ற 6வது லீக் போட்டியில் ராயல் சேலஞ்சர்ஸ் பெங்களூர் - குஜராத் ஜெயண்ட்ஸ் அணிகள் மோதின. இதில் டாஸ் வென்ற குஜராத் அணி பேட்டிங் தேர்வு செய்தது.

அதன்படி, முதலில் பேட்டிங் செய்ய களமிறங்கிய குஜராத் ஜெயன்ட்ஸ் அணி ஆரம்ப முதலே அதிரடியாக விளையாடியது. பெங்களூர் அணியின் பந்துவீச்சை மைதானத்தின் நாலாபுரமும் குஜராத் அணி வீரர்கள் சிதறடித்தனர்.

இறுதியாக குஜராத் ஜெயன்ட்ஸ் அணி 20 ஓவர்களில் 7 விக்கெட் இழப்பிற்கு 201 ரன்கள் குவித்துள்ளது. குஜராத் அணியில் சிறப்பாக விளையாடிய ட்ரங்கலே 65 ரன்களும், ஹர்லீன் டியோல் 67 ரன்களும் அடித்தனர்.

அதனைத் தொடர்ந்து 202 ரன்கள் எடுத்தால் வெற்றி என்ற இலக்குடன் களமிறங்கிய பெங்களூர் அணி கடைசி வரை போராடி 20 ஓவர்களில் 6 விக்கெட் இழப்பிற்கு 190 ரன்கள் எடுத்தது. இதன் மூலம் 11 ரன்கள் வித்தியாசத்தில் குஜராத் அணி வெற்றி பெற்று.

இந்த தொடரில் பெங்களூரு அணி விளையாடியுள்ள  3 போட்டிகளிலும் தோல்வி அடைந்து புள்ளி பட்டியலில் கடைசி இடத்தில் உள்ளது.