பெங்களூர் அணிக்கு எதிரான போட்டியில் 136 ரன்களை இலக்காக நிர்ணயித்துள்ளது யுபி வாரியர்ஸ் அணி.

முதலாவது மகளிர் ஐபிஎல் கிரிக்கெட் தொடர் கடந்த மார்ச் 4ம் தேதி தொடங்கி நடைபெற்று வருகிறது. மொத்தம் 5 பங்கேற்று விளையாடி வருகின்றன.

இந்த நிலையில் இன்று இரவு நடைபெறும் 13வது லீக் போட்டியில் பெங்களூர் - யுபி வாரியர்ஸ் அணிகள் மோதுகின்றன. இதில் டாஸ் வென்ற பெங்களூர் அணி பவுலிங் தேர்வு செய்தது.

அதன்படி முதலில் பேட்டிங் செய்த யுபி வாரியர்ஸ் அணி 19.3 ஓவர்களில் அனைத்து விக்கெட்டுகளையும் இழந்து 135 ரன்கள் எடுத்துள்ளது. பெங்களூர் சிறப்பாக பந்து வீசிய ஆஷா ஷோபனா 2 விக்கெட்களும், எலீஸ் பெர்ரி 3 விக்கெட்களும் வீழ்த்தினர்.

பெங்களூர் அணி இதுவரை விளையாடிய 5 லீக் போட்டிகளிலும் தோல்வி அடைந்துள்ளதால் இந்த சீசனில் இருந்து வெளியேறும் நிலையில் உள்ளது. மேலும் மீதமுள்ள 3 போட்டிகளிலும் பெங்களூர் அணி வெற்றி பெற்றால் மட்டுமே ப்ளேஆப் சுற்றுக்கு தகுதி பெற முடியும் என்பது குறிப்பிடத்தக்கது.

அதேபோல், யுபி வாரியர்ஸ் அணி இதுவரை விளையாடியுள்ள 5 போட்டிகளில் ஒரு போட்டியில் மட்டுமே வெற்றி பெற்று 2 புள்ளிகளுடன் 4வது இடத்தில் உள்ளது.  

அதன் காரணமாக இன்றைய தினம் எந்த அணி வெற்றி பெறுகிறதோ அந்த அணி ப்ளேஆப் சுற்றுக்கு தகுதி பெற அதிக வாய்ப்புள்ளது. அதேபோல், பெங்களூர் அணி தோல்வியடைந்தால் ப்ளேஆப் சுற்றுக்கு தகுதி பெற முடியாது என்பது குறிப்பிடத்தக்கது.