தூத்துக்குடி || இலங்கைக்கு கடத்தப்பட்ட 30 கிலோ பீடி இலைகள் பறிமுதல்.!
30 kilo beedi leaves seized in sri langan
தமிழகத்தின் பல்வேறு பகுதிகளிலிருந்து இலங்கைக்கு படகுமூலம் பீடி இலைகள், மஞ்சள் உள்ளிட்ட ஏராளமான பொருட்கள் கடத்தப்படும் சம்பவங்கள் தொடர்ந்து நடைபெற்று வருகிறது. இதனை தடுக்க போலீசார் தொடர்ந்து நடவடிக்கை மேற்கொண்டு வருகின்றனர்.
இந்த நிலையில் தூத்துக்குடி மாவட்டம் விளாத்திகுளம் அருகே தருவைகுளம் கடற்கரை வழியாக பீடி இலை மூடைகள் கடத்தப்பட இருப்பதாக தூத்துக்குடி போலீசாருக்கு தகவல் கிடைத்தது.
![](https://img.seithipunal.com/media/crime kjsd-zy8zv.png)
அந்தத் தகவலின் படி போலீசார் இன்று அதிகாலை தருவைகுளம் கடற்கரை பகுதியில் தீவிர ரோந்து பணியில் ஈடுபட்டனர்.அப்போது சந்தேகத்துக்கு இடமான முறையில் லோடு ஏற்றி வந்த வாகனத்தை தடுத்து நிறுத்தி போலீசார் சோதனை மேற்கொண்டனர்.
அப்போது, இலங்கைக்கு கடத்துவதற்காக லோடு வேனில் சுமார் 30 கிலோ எடை கொண்ட 62 மூட்டை பீடி இலைகள் இருப்பது தெரியவந்தது. கைப்பற்றப்பட்ட பீடி இலைகளின் மதிப்பு சுமார் ரூ.40 லட்சம் ஆகும். இதையடுத்து போலீசார் தப்பி ஓடியவர்கள் குறித்து தீவிர விசாரணை மேற்கொண்டு வருகின்றனர்.
English Summary
30 kilo beedi leaves seized in sri langan