சட்டவிரோதமாக புகையிலை பொருட்கள் கடத்திய நபர் கைது.!

சட்டவிரோதமாக புகையிலை பொருட்கள் கடத்திய இளைஞரை போலீசார் கைது செய்துள்ளனர்.

திருப்பூர் மாவட்டம் பல்லடம் பச்சாபாளையம் பகுதியில் காவல்துறையினர் வாகன சோதனையில் ஈடுபட்டிருந்தனர்.

அப்பொழுது அந்த வழியாக ஸ்கூட்டரில் மூட்டையுடன் வந்த இளைஞரை பிடித்து போலீசார் விசாரணை மேற்கொண்டனர்.

இந்த விசாரணையில், அவர் பல்லடம் அருகே உள்ள பொங்கலூர் பகுதியை சேர்ந்த கந்தசாமி என்பவரின் மகன் நல்லான்(26) என்பதும், அவர் தமிழக அரசால் தடை செய்யப்பட்ட புகையிலை பொருட்களை கடத்தி சென்றதும் தெரிய வந்துள்ளது.

இதையடுத்து காவல்துறையினர், அவரிடமிருந்த 51 கிலோ புகையிலை பொருட்கள் மற்றும் ஒரு மோட்டார் சைக்கிளை பறிமுதல் செய்துள்ளனர்.