கட்டிடத்தின் மேலிருந்து தவறி கீழே விழுந்த தொழிலாளி பலி

கன்னியாகுமரி மாவட்டத்தில் கட்டிடத்தின் மேலிருந்து தவறி கீழே விழுந்த தொழிலாளி உயிரிழந்துள்ளார்.

கன்னியாகுமரி மாவட்டம் ஆனை அடி செங்கோடி சேர்ந்தவர் தொழிலாளி மோசஸ் (33). இவர் ஈஞ்சகோடு பகுதியை சேர்ந்த அஜித்குமார் என்பவரின் வீட்டில் கட்டிட வேலை செய்து வந்தார்.

இந்நிலையில் சம்பவத்தன்று மோசஸ் கட்டிடத்தின் மேல் பகுதியில் இன்று வேலை செய்து கொண்டிருந்தபோது எதிர்பாராத விதமாக தவறி கீழே விழுந்துள்ளார்.

இதில் பலத்த காயமடைந்த அவரை மீட்டு அப்பகுதியில் இருந்தவர்கள் சிகிச்சைக்காக திருவனந்தபுரம் அரசு மருத்துவமனைக்கு கொண்டு சென்றனர். ஆனால் அங்கு சிகிச்சை பலனின்றி பரிதாபமாக அவர் உயிரிழந்து உள்ளார்.