ஆம்ஸ்ட்ராங் கொலை வழக்கு குற்றவாளி தம்பி 50 பட்டா கத்திகளுடன் கைது! முக்கிய பிரமுகரை கொலை செய்த சதித்திட்டம்?!
Armstrong case Rowdy Ramsh arrested
பகுஜன் சமாஜ் கட்சியின் முன்னாள் மாநில தலைவர் ஆம்ஸ்ட்ராங் கொலை வழக்கில், முக்கிய குற்றவாளியாக கருதப்படும் ரவுடி நாகேந்திரனின் தம்பியும், ரவுடியுமான ரமேஷ் தற்போது போலீசாரால் கைது செய்யப்பட்டுள்ளார்.
சென்னை வியாசர்பாடி பகுதியை சேர்ந்த ரமேஷை போலீசார் இன்று காலை கைதி செய்துள்ளனர். முக்கிய பிரமுகர் ஒருவரை கொலை செய்ய திட்டம் தீட்டுவதாக கிடைத்த தகவலின் பெயரில் ரவுடி ரமேஷை தற்போது போலீசார் கைது செய்ய உள்ளதாக தெரியவந்துள்ளது.
மேலும் ரவுடி ரமேஷ் வீட்டில் போலீசார் நடத்திய சோதனையில், பல்வேறு ஆயுதங்கள் பறிமுதல் செய்யப்பட்டுள்ளதாகவும் தகவல்கள் வெளியாகி உள்ளன.
குறிப்பாக 51 பட்டா கத்திகள் உள்ளிட்ட ஆயுதங்களை போலீசார் கைப்பற்றியதுடன், ரமேஷை அதிரடியாக கைது செய்து நடவடிக்கை எடுத்துள்ளனர்.
கைதான ரவுடி ரமேஷ் மீது ஏற்கனவே இரண்டு கொலை வழக்குகள் உள்ளிட்ட பல்வேறு வழக்குகள் நிலுவையில் உள்ளதாகவும் போலீசார் தரப்பில் தெரிவிக்கப்பட்டுள்ளது.
மேலும் வியாசர்பாடி சேர்ந்த மற்றொரு ரவுடி மோகன் தாஸ் என்பவரையும் போலீசார் கைது செய்த நடவடிக்கை எடுத்துள்ளனர்.
English Summary
Armstrong case Rowdy Ramsh arrested