சென்னை கோயம்பேடு பேருந்து நிலையத்திற்கு வெடிகுண்டு மிரட்டல்! தீவிர சோதனையில் போலீசார்!

சென்னை கோயம்பேடு பேருந்து நிலையத்திற்கு வெடிகுண்டு மிரட்டல் விடுக்கப்பட்டுள்ளதால் பொதுமக்கள் அதிர்ச்சி:

சென்னை காவல்துறை கட்டுப்பாட்டு மையத்திற்கு இன்று காலை 11:10க்கு மர்ம நபர் தொலைபேசி மூலம் அழைத்து, கோயம்பேட்டில் உள்ள பேருந்து நிலையத்தில் நடைபாதை 1 இல் சரியாக 11 மணிக்கு வெடிகுண்டு வெடிக்கும் என தெரிவித்துள்ளார்.

தகவல் அறிந்த காவல்துறையினர், உடனடியாக வெடிகுண்டு நிபுணர்கள் மற்றும் மோப்ப நாய்களை வரவழைத்து நடைபாதை 1 இல் தீவிர சோதனையில் ஈடுபட்டனர்.

மேலும் அந்த நடைபாதையில் உள்ள பயணிகள் அவர்களது பைகள், பேருந்துகள் மற்றும் அங்குள்ள கடைகள், பேருந்து நிலையத்திற்கு உள்ளே வரக்கூடிய வாகனங்கள் அனைத்தையும் தீவிரமாக சோதனை நடத்தினர்.

சோதனையில் நடைபாதை 1 இல் எந்த ஒரு வெடிகுண்டு இல்லாததால், நடைமேடை 2 இல் சோதனையை தொடர்ந்து நடத்தி வருகின்றனர்.

இந்த சம்பவத்தாதல், சென்னை கோயம்பேடு பேருந்து நிலையத்தில் இருந்த பயணிகள் இடையே பெரும் பரபரப்பு ஏற்படும்.