தஞ்சை - என்.ஐ.ஏ சோதனையில் சிக்கிய இருவருக்கு 5 நாள் நீதிமன்ற காவல்.!
court custody to thanjavur nia arrested peoples
தமிழகத்தில் பயங்கரவாத அமைப்புகளுக்கு இளைஞர்களை சேர்த்தது தொடர்பாக சென்னை, தஞ்சை, ஈரோடு உள்ளிட்ட 10 இடங்களில் என்.ஐ.ஏ. அதிகாரிகள் நேற்று முன்தினம் அதிரடி சோதனை நடத்தினர்.
அதில், தஞ்சாவூரில் 'ஹிஷாப் உத்தகீர்' என்ற தடை செய்யப்பட்ட பயங்கரவாத இயக்கத்துடன் தொடா்புடைய 4 பேரின் வீடுகளில் என்.ஐ.ஏ. அதிகாரிகள் சுமார் ஐந்து மணி நேரத்திற்கு மேலாக சோதனை செய்து செல்போன்கள், ஹாா்ட் டிஸ்க்குகள், பென் டிரைவ்கள், சில புத்தகங்கள் உள்ளிட்டவற்றை கைப்பற்றினா்.
அதன் பின்னர் அப்துல் ரகுமான், முஜிபுா் ரகுமான் உள்ளிட்ட இருவரையும் என்.ஐ.ஏ. அதிகாரிகள் கைது செய்து சென்னைக்கு அழைத்து வந்தனா். பின்னர் பூந்தமல்லியில் உள்ள தேசிய புலனாய்வு சிறப்பு நீதிமன்றத்தில் ஆஜர் படுத்த வேண்டி, நேற்று முன்தினம் இரவு சைதாப்பேட்டையில் உள்ள நீதிபதி இளவழகன் வீட்டில் அவர் முன்பு கைது செய்யபட்ட 2 பேரையும் ஆஜர்படுத்தினர்.
அப்போது நீதிபதி ஜூலை 5-ந்தேதி வரை அவர்களை நீதிமன்ற காவலில் அடைக்க வேண்டும் என்று உத்தரவிட்டார். அந்த உத்தரவின் படி இருவரும் பலத்த போலீஸ் பாதுகாப்புடன் புழல் சிறையில் அடைக்கப்பட்டனர்.
English Summary
court custody to thanjavur nia arrested peoples