மனைவி இறந்த சோகம்.. விவசாயி விபரீத முடிவு.. மதுரையில் பரிதாபம்..!

மதுரை மாவட்டத்தில் மனைவி இறந்த துக்கத்தில் விவசாயி தற்கொலை செய்து கொண்ட சம்பவம் அப்பகுதியில் பெரும் பரிதாபத்தை ஏற்படுத்தியுள்ளது.

மதுரை மாவட்டம் கிருஷ்ணாபுரம் பகுதியை சேர்ந்தவர் விவசாயி மொக்கை(47). இவரது மனைவி கடந்த ஆண்டு முன் இறந்துவிட்டார். இதையடுத்து மகன் வீட்டில் வசித்து வந்த மொக்கை, மனைவி இறந்த துக்கத்தில் மனவேதனையில் இருந்து வந்துள்ளார். இந்நிலையில், மொக்கை தற்கொலை செய்து கொள்ள முடிவு செய்து விஷம் குடித்து வீட்டில் மயங்கி கிடந்துள்ளார்.

இதைப்பார்த்த அக்கம் பக்கத்தினர் உடனடியாக மொக்கையை மீட்டு சிகிச்சைக்காக உசிலம்பட்டி அரசு மருத்துவமனைக்கு கொண்டு சென்றனர். ஆனால் மருத்துவமனைக்கு செல்லும் வழியிலேயே பரிதாபமாக உயிரிழந்துள்ளார். இதையடுத்து இந்த சம்பவம் குறித்த தகவல் அறிந்து வந்த போலீசார் உயிரிழந்த முக்கையின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.