சகல பரப்புகளிலும் சமமான உச்சத்தோடு செயலாற்றிய கருணாநிதியின் புகழ் - கமல்ஹாசன் வாழ்த்து!

தமிழக முன்னாள் முதல்வரும், திமுகவின் முன்னாள் தலைவருமான கருணாநிதியின் 101-வது பிறந்தநாளையொட்டி அரசியல் தலைவர்கள், பிரபலங்கள் வாழ்த்து தெரிவித்து வருகின்றனர்.

அந்த வகையில் நடிகர் கமல்ஹாசன் விடுத்துள்ள வாழ்த்துச் செய்தியில், “ஒளிமிக்க சிந்தனையும் உறுதிகொண்ட செயல்பாடும், எடுத்த காரியம் முடிக்காது விடாத நேர்மறைப் பிடிவாதமும், படைத்த மாபெரும் தலைவர் முன்னாள் முதலமைச்சர் கருணாநிதியின் பிறந்த நாள் இன்று;

அவரது நூற்றாண்டு விழா நிறைவுபட நிறைந்திருக்கும் தருணம்; இந்நாளில், கலைத்துறை, இலக்கியம், அரசியல், சமூகநீதி என சகல பரப்புகளிலும் சமமான உச்சத்தோடு செயலாற்றிய கருணாநிதியின் புகழை வாழ்த்தி மகிழ்கிறேன்" கமல்ஹாசன் தெரிவித்துள்ளார்.

முன்னதாக திமுக கனிமொழி எம்.பி., வெளியிட்டுள்ள வாழ்த்து செய்தியில், "நவீன தமிழ்நாட்டின் வளர்ச்சியின் ஒவ்வொரு சுவடிலும் முத்தமிழறிஞர் தலைவர் கலைஞர் அவர்கள் கம்பீரமாக விளங்குகிறார். இன்னும் எத்தனை நூற்றாண்டுகள் வந்தாலும் தமிழினத்திற்கு அவர் ஆற்றிய தொண்டும் பங்களிப்பும் காலத்தால் அழியாத வரலாறாக விளங்கும்.