சிறுமியை கடத்தி கூட்டு பலாத்காரம் - 2 வாலிபர்களுக்கு ஆயுள் தண்டனை.!

சேலம் மாவட்டத்தில் 16 வயது சிறுமியை கூட்டு பாலியல் பலாத்காரம் செய்த இரண்டு வாலிபருக்கு ஆயுள் தண்டனை விதிக்கப்பட்டது.

சேலம் மாவட்டம் முல்லைவாடி பகுதியை சேர்ந்தவர்கள் ராமச்சந்திரன் (31), கார்த்திகேயன் (31). இவர்கள் இரண்டு பேரும் அதே பகுதியை சேர்ந்த 16 வயதுடைய சிறுமி தனியாக நடந்து சென்றபோது, வாயை பொத்தி கடத்திச் சென்று இருவரும் சேர்ந்து சிறுமியை கூட்டுப் பாலியல் பலாத்காரம் செய்துள்ளனர். இதையடுத்து இந்த சம்பவம் குறித்து ஆத்தூர் காவல் நிலையத்தில் புகார் அளிக்கப்பட்டது.

இந்த புகாரின் அடிப்படையில் வழக்கு பதிவு செய்து விசாரணை மேற்கொண்டு போலீசார், இருவரையும் கைது செய்தனர். இதைத்தொடர்ந்து இது தொடர்பான வழக்கு சேலம் மகளிர் நீதிமன்றத்தில் நடைபெற்று வந்தது. இந்நிலையில் இந்த வழக்கை விசாரித்த நீதிபதி சிறுமியை கடத்திச் சென்று பாலியல் பலாத்காரம் செய்த ராமச்சந்திரன் மற்றும் கார்த்திகேயன் ஆகிய இரண்டு பேருக்கும் ஆயுள் தண்டனையும், தலா 11 ஆயிரம் ரூபாய் அபராதமும் விதித்து தீர்ப்பளித்தார்.