மறைமுகமாக மது விற்ற 3 பேர் கைது!
liquor saler 3 peoples arrested
புதுக்கோட்டை மாவட்டம், விராலிமலை சுற்றுவட்டார பகுதிகளில் கள்ள சந்தையில் சிலர் மது விற்பனை செய்து வருவதாக, விராலிமலை போலீசாருக்கு ரகசிய தகவல் கிடைத்தது.
தகவலின் பேரில் சிறப்பு உதவி காவல் ஆய்வாளர் மாசிலாமணி தலைமையில், விராலிமலை சுற்றுவட்டார பகுதியான ராஜாளிப்பட்டியில் போலீசார் ரோந்து பணியில் ஈடுபட்டனர்.
அப்போது, கலையரசன் மனைவி முத்துலெட்சுமி (வயது 49) என்பவர், அவரது வீட்டின் அருகே மதுபாட்டில்களை விற்பனை செய்ததை கண்டறிந்து அவரின் மீது வழக்கு பதிவு செய்து அவரை கைது செய்தனர். மேலும், அவரிடமிருந்த 20 மதுபாட்டில்களை போலீசார் பறிமுதல் செய்தனர்.
இதேபோல் விராலிமலை, செட்டியப்பட்டி பகுதியை சேர்ந்த துரைராஜ் (53) என்பவரும் அவரது வீட்டில் வைத்து மது பாட்டில்களை விற்பதாக தெரிந்து அவரையும் போலீசார் கைது செய்தனர்.
கலிங்கிகாட்டை சேர்ந்த நாகராஜ் (37) என்பவர் அவரது ஓட்டல் பின்புறமும் மதுபாட்டில்களை வைத்து விற்பனை செய்வதை கண்டறிந்து கைது செய்தனர். மேலும் அவர்களிடமிருந்து 10 மதுபாட்டில்களை போலீசார் பறிமுதல் செய்தனர்.
English Summary
liquor saler 3 peoples arrested