அதிகாலையில் சோகம் - திட்டக்குடி அருகே ஆம்னி பேருந்து கவிழ்ந்து விபத்து.!
one man died accident in thittakudi cuddalore
கடலூர் மாவட்டம் திட்டக்குடி அருகே ஆம்னி பேருந்து கவிழ்ந்து விபத்துக்குள்ளானதில் ஒருவர் உயிரிழந்த சம்பவம் பெரும் சோகத்தை ஏற்படுத்தியுள்ளது.
சென்னையில் இருந்து கன்னியாகுமரி நோக்கி 54 பயணிகளுடன் சென்று கொண்டிருந்த ஆம்னி பேருந்து ஒன்று, கடலூர் மாவட்டத்தில் உள்ள திட்டக்குடி அடுத்த ராம்நத்தம் பகுதியில் சென்று கொண்டிருந்தபோது திடீரென ஓட்டுனரின் கட்டுப்பாட்டை இழந்து தடுப்பு சுவரில் மோதி விபத்துள்ளானது.
இந்த விபத்தில் சிக்கி ஒருவர் சம்பவ இடத்திலேயே உயிரிழந்துள்ளார். மேலும் 30-க்கும் மேற்பட்டோர் படுகாயம் அடைந்துள்ளனர். இதைப்பார்த்து அதிர்ச்சியடைந்த அப்பகுதி மக்கள் சம்பவம் குறித்து போலீஸாருக்குத் தகவல் அளித்தனர்.
அதன் படி போலீசார் விரைந்து வந்து படுகாயமடைந்தவர்களை ஆம்புலன்ஸ் மூலம் மீட்டு அருகிலுள்ள மருத்துவமனைக்கு சிகிச்சைக்காக அனுப்பி வைத்தனர். மேலும், உயிரிழந்தவரையும் மீட்டு மருத்துவமனைக்கு அனுப்பி வைத்தனர்.
இதையடுத்து போலீசார் சம்பவம் தொடர்பாக விசாரணை மேற்கொண்டு வருகின்றனர். இந்த விபத்து சம்பவம் காரணமாக திருச்சி - சென்னை நெடுஞ்சாலையில் போக்குவரத்து பாதிக்கப்பட்டுள்ளது.
English Summary
one man died accident in thittakudi cuddalore